ಲಂಡನ್: ಇಂಗ್ಲೆಂಡ್ ವಿರುದ್ಧದ ಪಂದ್ಯದಲ್ಲಿ ಪಾಕಿಸ್ತಾನ 14 ರನ್ ಗಳಿಂದ ರೋಚಕ ಗೆಲುವು ಸಾಧಿಸಿ ಗೆಲುವಿನ ಲಯಕ್ಕೆ ಮರಳಿದೆ.

ನಾಟಿಂಗ್ ಹ್ಯಾಮ್ ನಲ್ಲಿ ನಡೆದ ಪಂದ್ಯದಲ್ಲಿ ಮೊದಲ ಬ್ಯಾಟಿಂಗ್ ಮಾಡಿದ್ದ ಪಾಕಿಸ್ತಾನ 8 ವಿಕೆಟ್ ನಷ್ಟಕ್ಕೆ 348 ರನ್ ಪೇರಿಸಿತ್ತು. 349 ರನ್ ಗಳ ಗುರಿ ಬೆನ್ನಟ್ಟಿದ ಇಂಗ್ಲೆಂಡ್ ತಂಡ 334 ರನ್ ಮಾತ್ರ ಪೇರಿಸಿದ್ದು 14 ರನ್ ಗಳಿಂದ ಸೋಲಿಗೆ ಶರಣಾಯಿತು. 

ಪಾಕಿಸ್ತಾನ ಪರ ಇಮಾಮ್ ಉಲ್ ಹಕ್ 44, ಬಾಬರ್ ಅಜಾಂ 63, ಮೊಹಮ್ಮದ್ ಹಫೀಜ್ 84 ಮತ್ತು ಸರ್ಫರಾಜ್ ಅಹ್ಮದ್ 55 ರನ್ ಬಾರಿಸಿದ್ದಾರೆ. ಇಂಗ್ಲೆಂಡ್ ಪರ ಬೌಲಿಂಗ್ ನಲ್ಲಿ ವೋಕ್ಸ್ ಮತ್ತು ಮೋಹಿನ್ ಅಲಿ ತಲಾ 3 ವಿಕೆಟ್ ಪಡೆದಿದ್ದಾರೆ. 

ಇಂಗ್ಲೆಂಡ್ ಪರ ಜೋ ರೂಟ್ 107, ಜೋಸ್ ಬಟ್ಲರ್ 103 ಮತ್ತು ಬೈರ್ಸ್ಟೋವ್ 32 ರನ್ ಪೇರಿಸಿದ್ದಾರೆ. ಪಾಕ್ ಪರ ಬೌಲಿಂಗ್ ನಲ್ಲಿ ವಹಾಬ್ ರಿಯಾಜ್ 3, ಅಮೀರ್ ಶಬದ್ ಖಾನ್ ತಲಾ 2 ವಿಕೆಟ್ ಪಡೆದಿದ್ದಾರೆ.