ಲಂಡನ್: ಸಾಂಪ್ರದಾಯಿಕ ಎದುರಾಳಿಗಳಾದ ಭಾರತ-ಪಾಕಿಸ್ತಾನದ ನಡುವಿನ ಕ್ರಿಕೆಟ್ ಪಂದ್ಯ ಯಾರನ್ನು ತಾನೆ ಆಕರ್ಷಿಸುವುದಿಲ್ಲ ಹೇಳಿ. ಪ್ರತಿ ಬಾರಿಯೂ ರೋಚಕವಾಗಿರಲಿರುವ ಭಾರತ-ಪಾಕ್ ಪಂದ್ಯ ಈ ಬಾರಿ ವಿಶ್ವಕಪ್ ನಲ್ಲಿಯೂ ಕುತೂಹಲ ಮೂಡಿಸಿದೆ.
ಜೂ.16 ರಂದು ವಿಶ್ವಕಪ್ ಸರಣಿಯಲ್ಲಿ ಭಾರತ-ಪಾಕ್ ನಡುವೆ ಪಂದ್ಯ ನಿಗದಿಯಾಗಿದ್ದು, ಟಿಕೆಟ್ ನ ಪ್ರಾರಂಭಿಕ ಬೆಲೆ ರೂ.20,000 ಕ್ಕೆ ನಿಗದಿಯಾಗಿದೆ. ಗರಿಷ್ಠ ಮೊತ್ತ 60,000 ರೂಪಾಯಿಗಳಿಗೆ ಏರಿಕೆಯಾಗಿದೆ.
ಮಾಂಚೈಸ್ಟರ್ ನ ಕ್ರೀಡಾಂಗಣದಲ್ಲಿ 20000 ಆಸನಗಳ ವ್ಯವಸ್ಥೆಯಿದ್ದು, ಪ್ರತಿ ಟಿಕೆಟ್ ನ ಗರಿಷ್ಠ ಮೊತ್ತ 62, 610 ರೂಪಾಯಿಗಳಿಗೆ ಏರಿಕೆಯಾಗಿದೆ.
ವೈಯಾಗೋಗೋ ವೆಬ್ ಸೈಟ್ ಟಿಕೆಟ್ ಗಳನ್ನು ಮಾರಾಟ ಮಾಡುತ್ತಿದ್ದು, ಈಗಾಗಲೇ ಟಿಕೆಟ್ ಖರೀದಿಸಿರುವ 480 ಮಂದಿ ಟಿಕೆಟ್ ನ್ನು ಮರುಮಾರಾಟ ಮಾಡಲು ಮುಂದಾಗುತ್ತಿದ್ದು, ವೈಯಾಗೋಗೋ ವೆಬ್ ಸೈಟ್ ಮರುಮಾರಾಟಕ್ಕೆ ಅವಕಾಶ ಕಲ್ಪಿಸಿದೆ.