ಐಸಿಸಿ ವಿಶ್ವಕಪ್ ಪಂದ್ಯದಲ್ಲಿ ಭಾರತದ ವಿರುದ್ಧ ಹೀನಾಯ ಸೋಲನುಭವಿಸಿದ ಪಾಕಿಸ್ತಾನದ ವಿರುದ್ಧ ಟೀಕಾ ಪ್ರಹಾರ ಮುಂದುವರೆದಿದೆ. ಪಂದ್ಯಕ್ಕೂ ಮುನ್ನ ಪಾಕ್ ಆಟಗಾರ ಶೋಯಬ್ ಮಲೀಕ್ ಪತ್ನಿ ಟೆನ್ನೀಸ್ ಆಟಗಾರ್ತಿ ಸಾನಿಯಾ ಮಿರ್ಜಾ ಹಾಗೂ ಅಭಿಮಾನಿಗಳೊಂದಿಗೆ ಹುಕ್ಕಾ, ಡಿನ್ನರ್ ಗೆ ತೆರಳಿದ್ದ ವಿಡಿಯೋ ಬಹಿರಂಗವಾಗಿದ್ದು, ಪಾಕಿಸ್ತಾನ ಕ್ರಿಕೆಟ್ ತಂಡ ಮತ್ತಷ್ಟು ಟೀಕೆಗೆ ಆಹಾರವಾಗಿದೆ.
ಪಾಕ್ ತಂಡದ ನಾಯಕ ಸರ್ಫರಾಜ್ ಮೈದಾನದಲ್ಲೇ ಆಕಳಿಸುತ್ತಿರುವ ವಿಡಿಯೋ ಈಗಾಗಲೇ ವೈರಲ್ ಆಗಿದ್ದು, ಪಾಕಿಸ್ತಾನ ಕ್ರಿಕೆಟ್ ತಂಡ ಸೋಲುವುದಕ್ಕೆ ಪಂದ್ಯಕ್ಕೂ ಹಿಂದಿನ ದಿನ ಹುಕ್ಕಾ, ಡಿನ್ನರ್ ಗೆ ತೆರಳಿದ್ದೇ ಕಾರಣನಾ? ಎಂದು ಟ್ವೀಟಿಗರು ಶೋಯಬ್ ಮಲೀಕ್ ನ್ನು ಟೀಕಿಸಿದ್ದಾರೆ.