ನವದೆಹಲಿ: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಸೊಗಸಾದ ನಾಯಕ ಎಂದು ಕರೆದಿರುವ ಶೇನ್ ವಾರ್ನ್ ಎಂ.ಎಸ್. ಧೋನಿಯನ್ನು  ಟೀಂ ಇಂಡಿಯಾದಲ್ಲಿ ಇರಲೇಬೇಕಾದ ಅತ್ಯುತ್ತಮ ಆಟಗಾರ ಎಂದಿದ್ದಾರೆ.

ಮಹೇಂದ್ರ ಸಿಂಗ್ ಧೋನಿ ಅಂತಹ ಅನುಭವಿ ಆಟಗಾರ  ಟೀಂ ಇಂಡಿಯಾದಲ್ಲಿ ಇರಲೇಬೇಕಾಗುತ್ತದೆ. ನನ್ನಗಾಗಿ ಧೋನಿ ಅತ್ಯುತ್ತಮ ಆಟಗಾರರಾಗಿದ್ದು, ಟೀಂ ಇಂಡಿಯಾದಲ್ಲಿ ಇರಲೇಬೇಕಾದ ಅತ್ಯುತ್ತಮ ಆಟಗಾರರಾಗಿದ್ದಾರೆ ಎಂದು ಅವರು ಸುದ್ದಿಸಂಸ್ಥೆಯೊಂದಕ್ಕೆ ತಿಳಿಸಿದ್ದಾರೆ.

ವಿಕೇಟ್ ಕೀಪರ್ ಹಾಗೂ ಬ್ಯಾಟ್ಸ್ ಮನ್ ಆಗಿರುವ ಧೋನಿ ಅವರ ಅನುಭವವನ್ನು ಶೇನ್ ವಾರ್ನ್ ಹೊಗಳಿದ್ದು, ವಿಶ್ವಕಪ್ ನಲ್ಲಿ ಧೋನಿ ಅವರ ಅನುಭವ ಹಾಗೂ ನಾಯಕತ್ವದ ಗುಣಗಳು ವಿರಾಟ್ ಕೊಹ್ಲಿ ಅವರ ನಾಯಕತ್ವಕ್ಕೆ ಸಹಾಯ ಮಾಡಲಿದೆ ಎಂದು ಅವರು ತಿಳಿಸಿದ್ದಾರೆ.

ಈ ಬಾರಿಯ ವಿಶ್ವಕಪ್ ನಲ್ಲಿ ಇಂಡಿಯಾ ಹಾಗೂ ಇಂಗ್ಲೆಂಡ್ ಗೆಲ್ಲುವ ಫೆವರಿಟ್ ತಂಡಗಳಾಗಿವೆ ಏಕೆಂದರೆ  ಕಳೆದ ಆರರಿಂದ 12 ತಿಂಗಳಿಂದ  ಅವರು ಆಡುತ್ತಲೇ ಇದ್ದಾರೆ. ಆದರೆ, ಆಸ್ಟ್ರೇಲಿಯಾ ಕೂಡಾ ಆ ನಂಬಿಕೆಯನ್ನು ಈಗ ಹೆಚ್ಚಿಸಿಕೊಂಡಿದೆ. ಅವರು ಕೂಡಾ ಗೆಲ್ಲಬಹುದು ಎಂದು ಶೇನ್ ವಾರ್ನ್ ಹೇಳಿದ್ದಾರೆ.