ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಎಂಎಸ್ ಧೋನಿ ಅವರು ತಮ್ಮ ಸ್ನೇಹಿತರೊಂದಿಗೆ ಅತ್ಯುತ್ತಮ ಸಂಬಂಧ ಹೊಂದಿರುವುದು ಎಲ್ಲರಿಗೂ ಗೊತ್ತೇ ಇದೆ. 2000 ರಲ್ಲಿ ಬಿಹಾರ ತಂಡವನ್ನು ಪ್ರತಿನಿಧಿಸುತ್ತಿದ್ದಾಗಿನಿಂದಲೂ ಅವರು ಸ್ನೇಹಿತರೊಂದಿಗೆ ಉತ್ತಮ ಬಾಂಧವ್ಯ ಹೊಂದಿದ್ದಾರೆ.
ಇತ್ತೀಚೆಗೆ ಧೋನಿ ಕುರಿತ ವಿಶೇಷ, ಆಸಕ್ತಿದಾಯಕ ಅಂಶವೊಂದನ್ನು ಅವರ ಬಿಹಾರ ಟೀಂ ಮೇಟ್ ಸತ್ಯಪ್ರಕಾಶ್ ಹಂಚಿಕೊಂಡಿದ್ದಾರೆ.
ಧೋನಿಯನ್ನು ನಾವು ಟೆರರಿಸ್ಟ್ ಆತಂಕವಾದಿ ಎಂದು ಕರೆಯುತ್ತಿದ್ದೆವು ಎಂದು ಖರಗ್ಪುರ ಪ್ರೀಮಿಯರ್ ಲೀಗ್ (ಕೆಪಿಎಲ್) ನ ಪಂದ್ಯದಲ್ಲಿ ಆಡುತ್ತಿರುವ ಧೋನಿಯ ಸ್ನೇಹಿತ ಸತ್ಯಪ್ರಕಾಶ್ ಹಳೆಯ ನೆನಪುಗಳನ್ನು ಹಂಚಿಕೊಂಡಿದ್ದಾರೆ.
20 ಎಸೆತಗಳಲ್ಲಿ ಧೋನಿ 40-50 ರನ್ ಗಳನ್ನು ಗಳಿಸುತ್ತಿದ್ದರು. ಆದರೆ ಟೀಂ ಇಂಡಿಯಾಗೆ ಆಯ್ಕೆಯಾದ ಬಳಿಕ ತಮ್ಮ ವಿಧಾನವನ್ನು ಬದಲಾವಣೆ ಮಾಡಿಕೊಂಡರು. ಧೋನಿ ಓರ್ವ ಗುಡ್ ಲರ್ನರ್ (good learner) ಎಂದು ಸತ್ಯಪ್ರಕಾಶ್ ಹೇಳಿದ್ದಾರೆ.