ಟೀಂ ಇಂಡಿಯಾದ ನಾಯಕ ವಿರಾಟ್ ಕೊಹ್ಲಿ ಬೇಡ ಬೇಡ ಅಂದರೂ ಕೊಹ್ಲಿಯ ರಹಸ್ಯ ವಿಡಿಯೋವೊಂದನ್ನು ಯುವ ವಿಕೆಟ್ ಕೀಪರ್ ರಿಷಬ್ ಪಂತ್ ಲೀಕ್ ಮಾಡಿದ್ದು ಈ ವಿಡಿಯೋ ಇದೀಗ ವೈರಲ್ ಆಗಿದೆ.
ರಿಷಬ್ ಪಂತ್ ಲೀಕ್ ಮಾಡಿರುವ ವಿಡಿಯೋದಲ್ಲಿ ವಿರಾಟ್ ಕೊಹ್ಲಿ ಜೊತೆ ಪಂತ್ ಸಹ ಹೆಜ್ಜೆ ಹಾಕಿದ್ದಾರೆ. ಈ ಬಗ್ಗೆ ಹಲವರು ಕೇಳಿದ್ದರೂ, ಕೊಹ್ಲಿ ಯಾರಿಗೂ ಹೇಳಬೇಡ ಎಂದು ಹೇಳಿದ್ದರು. ಆದರೆ ತನ್ನ ಖುಷಿಯನ್ನು ತಡೆದುಕೊಳ್ಳದ ಪಂತ್, ವಿಡಿಯೋವನ್ನು ಟ್ವೀಟರ್ ನಲ್ಲಿ ಶೇರ್ ಮಾಡಿ ಹೆಚ್ಚಿನ ಮಾಹಿತಿಗೆ ಕೊಹ್ಲಿ ಟ್ವೀಟರ್ ಅನ್ನು ಪರಿಶೀಲಿಸಿ ಎಂದು ಟ್ವೀಟ್ ಮಾಡಿದ್ದಾರೆ.
ಯಾರಿಗೂ ಹೇಳಬೇಡ ಎಂದು ಕೊಹ್ಲಿ ಹೇಳಿದ್ದರಿಂದ ಈ ವಿಡಿಯೋ ಇದೀಗ ಸಾಮಾಜಿಕ ಜಾಲಾತಣದಲ್ಲಿ ಸಖತ್ ವೈರಲ್ ಆಗಿದೆ. ಈ ಬಗ್ಗೆ ಅಭಿಮಾನಿಗಳು ಹುಡುಕಾಡಿದಾಗ ತಿಳಿದುಬಂದಿದ್ದು ಇದೊಂದು ಜಾಹಿರಾತು ಅಂತ.
ವಿರಾಟ್ ಕೊಹ್ಲಿ ಮತ್ತು ರಿಷಬ್ ಪಂತ್ ಕಾಣಿಸಿಕೊಂಡಿರುವ ಈ ಖಾಸಗಿ ಜಾಹಿರಾತುವಿನ ಸಣ್ಣ ಕ್ಲಿಪ್ ವೊಂದನ್ನು ಪಂತ್ ಶೇರ್ ಮಾಡಿ ಅಭಿಮಾನಿಗಳಲ್ಲಿ ಕುತೂಹಲ ಹುಟ್ಟಿಸಿದ್ದರು.