ಬ್ರಿಸ್ಬೇನ್: ಆಸ್ಟ್ರೇಲಿಯಾ ತಂಡದ ಜೇಮ್ಸ್ ಪ್ಯಾಟಿನ್ಸನ್ ಅವರನ್ನು ಪಾಕಿಸ್ತಾನ ವಿರುದ್ಧ ದಿ ಗಬ್ಬಾದಲ್ಲಿ ನಡೆಯುವ ಮೊದಲನೇ ಟೆಸ್ಟ್ ಪಂದ್ಯಕ್ಕೆ ಕ್ರಿಕೆಟ್ ಆಸ್ಟ್ರೇಲಿಯಾ ಅಮಾನತು ಮಾಡಿದೆ.
ಮೂಲಗಳ ಪ್ರಕಾರ, ಜೇಮ್ಸ್ ಪ್ಯಾಟಿನ್ಸನ್ ಅವರು ಕಳೆದ ವಾರ ನಡೆದಿದದ್ ಮಾರ್ಷ್ ಶೆಫೀಲ್ಡ್ ಶೀಲ್ಡ್ ಪಂದ್ಯದ ವೇಳೆ ಕ್ರಿಕೆಟ್ ಆಸ್ಟ್ರೇಲಿಯಾ ನಿಯಮವನ್ನು ಉಲ್ಲಂಘಿಸಿದ್ದರು. ಕಳೆದ 18 ತಿಂಗಳಲ್ಲಿ ಪ್ಯಾಟಿನ್ಸನ್ ಅವರು ಮೂರನೇ ಬಾರಿ ಈ ನಿಯಮನ್ನು ಉಲ್ಲಂಘಿಸಿದ್ದಾರೆ. ಹಾಗಾಗಿ, ಅವರಿಗೆ ಒಂದು ಪಂದ್ಯ ನಿಷೇಧ ಶಿಕ್ಷೆ ನೀಡಲಾಗಿದೆ.
ಕ್ರಿಕೆಟ್ ಆಸ್ಟ್ರೇಲಿಯಾ ಹೇಳಿಕೆ ಪ್ರಕಾರ, ಜೇಮ್ಸ್ ಪ್ಯಾಟಿನ್ಸನ್ ಅವರು ಪಂದ್ಯದಲ್ಲಿ ತಪ್ಪು ಎಸಗಿದ ತಕ್ಷಣ ತೀರ್ಪುಗಾರರು ಹಾಗೂ ಎದುರಾಳಿ ಆಟಗಾರರ ಬಳಿ ತಕ್ಷಣ ಕ್ಷಮೆಯಾಚಿಸಿದರು. ಸನ್ನಿವೇಶದ ಭರದಲ್ಲಿ ತಪ್ಪು ಎಸಗಿದ್ದೇನೆ. ದಯವಿಟ್ಟು ಕ್ಷಮಿಸಿ ಎಂದು ಅವರು ಹೇಳಿದ್ದರು.