ನವದೆಹಲಿ: ಈ ವರ್ಷದ ಮಹಿಳಾ ಟಿ-20 ಚಾಲೆಂಜ್ ಪಂದ್ಯಾವಳಿಯ ಶೀರ್ಷಿಕೆ ಪ್ರಾಯೋಜಕತ್ವವನ್ನು ಜಿಯೋ ಹೊಂದಿದೆ ಎಂದು ಭಾರತ ಕ್ರಿಕೆಟ್ ನಿಯಂತ್ರಣಾ ಮಂಡಳಿ (ಬಿಸಿಸಿಐ) ಭಾನುವಾರ ಪ್ರಕಟಿಸಿದೆ. ಮಹಿಳಾ ಟಿ 20 ಚಾಲೆಂಜ್ ಈ ವರ್ಷ ಶಾರ್ಜಾದಲ್ಲಿ ನಡೆಯಲಿದ್ದು, ಮೂರು ತಂಡಗಳು ಭಾಗವಹಿಸಲಿವೆ.
ನವೆಂಬರ್ ನಾಲ್ಕು, ಐದು, ಏಳು ಮತ್ತು ಒಂಬತ್ತು ರಂದು ನಡೆಯಲಿರುವ ಈ ಪಂದ್ಯಾವಳಿಯಲ್ಲಿ ಒಟ್ಟು ನಾಲ್ಕು ಪಂದ್ಯಗಳು ನಡೆಯಲಿವೆ. ಈ ಪಂದ್ಯಾವಳಿಯಲ್ಲಿ ಸೂಪರ್ನೋವಾಸ್, ವೆಲಾಸಿಟಿ ಮತ್ತು ಟ್ರೈಲ್ಬ್ಲೇಜರ್ಗಳು ಭಾಗವಹಿಸಲಿವೆ.
ನವೆಂಬರ್ 4 ರಂದು ಸೂಪರ್ನೋವಾಸ್ ಮತ್ತು ವೆಲಾಸಿಟಿ, ನವೆಂಬರ್ 5 ರಂದು ವೆಲಾಸಿಟಿ ಮತ್ತು ಟ್ರೈಲ್‌ಬ್ಲೇಜರ್‌ ಮತ್ತು ನವೆಂಬರ್ 7 ರಂದು ಸೂಪರ್ನೋವಾಸ್ ಮತ್ತು ಟ್ರೈಲ್ಬ್ಲೇಜರ್ಗಳು. ಫೈನಲ್ ನವೆಂಬರ್ 9 ರಂದು ನಡೆಯಲಿದೆ.