ಶಾರ್ಜಾ: ಟಿ-20 ಮಹಿಳಾ ಚಾಲೆಂಜ್ ಪಂದ್ಯದಲ್ಲಿ ಟ್ರೇಲ್ ಬ್ಲೇಜರ್ ತಂಡದಲ್ಲಿ ಆಡಿದ ಏಕೈಕ ಥೈಲ್ಯಾಂಡ್ ಆಟಗಾರ್ತಿ ನಟ್ಟಕನ್ ಚಾಂಟಮ್, ಮಹತ್ವದ ಮೂರು ಪಂದ್ಯಗಳಲ್ಲಿ ಗಮನಾರ್ಹ ಪ್ರದರ್ಶನ ತೋರಿದ್ದಾರೆ. 

ಬೌಂಡರಿ ಲೈನ್ ನಲ್ಲಿ ನಿಂತು ಅದ್ಬುತ ಡೈವ್ ಹೊಡೆಯುವ ಮೂಲಕ ಚೆಂಡನ್ನು ತಡೆದಿದ್ದಾರೆ. ಇದರಿಂದಾಗಿ ಸೂಪರ್ ನೋವಾಸ್ ವಿರುದ್ಧದ ಪೈನಲ್ ಪಂದ್ಯದಲ್ಲಿ ತಮ್ಮ ತಂಡ ಗೆಲಲ್ಲು ಕಾರಣರಾಗಿದ್ದಾರೆ.

ಶಾರ್ಜಾದ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ನಡೆದ 20 ಓವರ್ ಗಳ ಪಂದ್ಯದಲ್ಲಿ ಟ್ರೇಲ್ ಬ್ಲೇಜರ್  ನೀಡಿದ 119 ರನ್ ಗಳ ಸುಲಭ ಗುರಿ ಬೆನ್ನತ್ತಿದ್ದ ಸೂಪರ್ ನೋವಾಸ್ ತಂಡದ ಬೌಂಡರಿಯೊಂದನ್ನು ನಟ್ಟಕನ್ ಚಾಂಟಮ್ ಅದ್ಬುತ ಡೈವ್ ಹೊಡೆಯುವ ಮೂಲಕ  ತಡೆದು ತಮ್ಮ ತಂಡಕ್ಕೆ ಎರಡು ರನ್ ಗಳನ್ನು ರಕ್ಷಿಸಿದರು. ಅಂತಿಮವಾಗಿ ಸೂಪರ್ ನೋವಾಸ್ ತಂಡ ಸೋತು ಟ್ರೇಲ್ ಬ್ಲೇಜರ್ ತಂಡ ಪ್ರಶಸ್ತಿ ಮುಡಿಗೇರಿಸಿಕೊಂಡಿತು.

ನಟ್ಟಕನ್ ಚಾಂಟಮ್ ಅವರ ಅದ್ಬುತ್ ಡೈವ್ ಹೊಡೆಯುವ ವಿಡಿಯೋ ವೈರಲ್ ಆಗಿದ್ದು, ಇಂಗ್ಲೆಂಡಿನ ಕಾಟೆ ಕ್ರಾಸ್ ರಂತಹ ಸಮಕಾಲೀನ ಆಟಗಾರರು ಸೇರಿದಂತೆ ಹಲವು ಮಂದಿ ನಟ್ಟಕನ್ ಅವರನ್ನು ಮನಸಾರೆ ಹೊಗಳಿದ್ದಾರೆ.