ದುಬೈ: ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ಶುಕ್ರವಾರ ಶೇಖ್ ಜಾಯೆದ್ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಕೋಲ್ಕತಾ ನೈಟ್ ರೈಡರ್ಸ್ ತಂಡದ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿತ್ತು. ಆದರೆ ಇಲ್ಲಿ ಅಚ್ಚರಿಯ ಮುಖವೊಂದು ಗ್ಯಾಲರಿಯಲ್ಲಿ ಕಂಡಿತ್ತು. ಅದು ದಂತಕಥೆ ಸಚಿನ್ ತೆಂಡೂಲ್ಕರ್ ಅವರ ಪುತ್ರ ಅರ್ಜುನ್ ತೆಂಡೂಲ್ಕರ್.
ಕೆಲ ಮೂಲಗಳು ಪ್ರಕಾರ, ಅರ್ಜುನ್ ಕಳೆದ ಮೂರು ತಿಂಗಳಿಂದ ಮುಂಬೈ ಇಂಡಿಯನ್ಸ್ ಘಟಕದೊಂದಿಗೆ ಕೆಲಸ ಮಾಡುತ್ತಿದ್ದಾರೆ. ಆಟಗಾರರಿಗೆ ನೆಟ್‌ನಲ್ಲಿ ಬೌಲಿಂಗ್ ಮಾಡುತ್ತಿದ್ದಾರೆ. ಮುಂಬೈ ಇಂಡಿಯನ್ಸ್ ಬೌಲಿಂಗ್ ಕ್ರಿಕೆಟ್ ನಿರ್ದೇಶಕ ಜಹೀರ್ ಖಾನ್ ಮತ್ತು ಬೌಲಿಂಗ್ ಕೋಚ್ ಶೇನ್ ಬಾಂಡ್ ಕಣ್ಗಾವಲಿನಲ್ಲಿ ಅರ್ಜುನ್ ಬೌಲಿಂಗ್ ಮಾಡುತ್ತಿದ್ದಾರೆ.
ಅರ್ಜುನ್ ಕಳೆದ ಮೂರು ತಿಂಗಳುಗಳಿಂದ ನೆಟ್-ಬೌಲಿಂಗ್ ತಂಡದ ಭಾಗವಾಗಿ ತಂಡದಲ್ಲಿದ್ದಾರೆ. ಜಹೀರ್ ಮತ್ತು ಬಾಂಡ್ ಅವರ ಮಾರ್ಗದರ್ಶನದಲ್ಲಿ ಏಕಕಾಲದಲ್ಲಿ ಬೌಲಿಂಗ್ ನಲ್ಲಿ ನಿರತರಾಗಿದ್ದಾರೆ. ಬಹಳ ಶಿಸ್ತುಬದ್ಧ ಮಗು, ಅವರು ಕೇವಲ ಕೆಲಸ ಅಂತಾ ಭಾವಿಸದೆ ಉತ್ಸುಕರಾಗಿ ಬೌಲಿಂಗ್ ಮಾಡುತ್ತಿದ್ದಾರೆ ಮೂಲಗಳು ತಿಳಿಸಿವೆ.