ಜಗತ್ತಿನ ಅತ್ಯಂತ ಶ್ರೀಮಂತ ಕ್ರಿಕೆಟ್ ಟೂರ್ನಿ ಇಂಡಿಯನ್ ಪ್ರಿಮಿಯರ್ ಲೀಗ್ (IPL 2025) ಗೆ ಹೋಲಿಸಲಾಗುತ್ತಿದ್ದ ಪಾಕಿಸ್ತಾನ ಸೂಪರ್ ಲೀಗ್ (PSL) ಬಿಕಾರಿ ಟೂರ್ನಿ ಎಂಬುದು ಸಾಬೀತಾಗಿದೆ. ಹೌದು... ಪಿಎಸ್ಎಲ್ 10ನೇ ಸೀಸನ್ ನೆರೆಯ ದೇಶ ಪಾಕಿಸ್ತಾನದಲ್ಲಿ ನಡೆಯುತ್ತಿದೆ. ಈ ಪಂದ್ಯಾವಳಿಯ ಮೂರನೇ ಪಂದ್ಯವು ಮುಲ್ತಾನ್ ಸುಲ್ತಾನ್ಸ್ ಮತ್ತು ಕರಾಚಿ ಕಿಂಗ್ಸ್ ನಡುವೆ ನಡೆಯಿತು. ಟಾಸ್ ಗೆದ್ದ ಕರಾಚಿ ಕಿಂಗ್ಸ್ ಮೊದಲು ಫೀಲ್ಡಿಂಗ್ ಮಾಡಲು ನಿರ್ಧರಿಸಿತು. ಮುಲ್ತಾನ್ ಸುಲ್ತಾನ್ಸ್ 20 ಓವರ್‌ಗಳಲ್ಲಿ 234/3 ಕ್ಕೆ ಸೀಮಿತವಾಯಿತು. ಇದಕ್ಕೆ ಉತ್ತರವಾಗಿ, ಜೇಮ್ಸ್ ವಿನ್ಸಿ ಅವರ ಬಿರುಗಾಳಿಯ ಶತಕ (101 ರನ್, 43 ಎಸೆತ, 14 ಬೌಂಡರಿ ಮತ್ತು 4 ಸಿಕ್ಸರ್) ಮತ್ತು ಖುಷ್ದಿಲ್ ಶಾ ಅವರ ಆಕರ್ಷಕ ಅರ್ಧಶತಕ (60 ರನ್, 37 ಎಸೆತ, 5 ಬೌಂಡರಿ, 4 ಸಿಕ್ಸರ್) ಕರಾಚಿ ಕಿಂಗ್ಸ್ 19.2 ಓವರ್‌ಗಳಲ್ಲಿ 236/6 ಗಳಿಸುವ ಮೂಲಕ ಗುರಿಯನ್ನು ತಲುಪಲು ಸಹಾಯ ಮಾಡಿತು.
ಕರಾಚಿ ಕಿಂಗ್ಸ್‌ನ 4 ವಿಕೆಟ್‌ಗಳ ಗೆಲುವಿನಲ್ಲಿ, ಶತಕ ಸಿಡಿಸಿದ ಜೇಮ್ಸ್ ವಿನ್ಸಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು. ಈ ಅದ್ಭುತ ಇನ್ನಿಂಗ್ಸ್‌ಗಾಗಿ ಅವರಿಗೆ ಕರಾಚಿ ಕಿಂಗ್ಸ್‌ನಿಂದ ಹೇರ್ ಡ್ರೈಯರ್ ಬಹುಮಾನವಾಗಿ ನೀಡಲಾಯಿತು. ಇದು ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಅಪಹಾಸ್ಯಕ್ಕೊಳಗಾಗುತ್ತಿದೆ.
ಕರಾಚಿ ಕಿಂಗ್ಸ್ ಸಾಮಾಜಿಕ ಮಾಧ್ಯಮದಲ್ಲಿ ಒಂದು ವೀಡಿಯೊವನ್ನು ಹಂಚಿಕೊಂಡಿದ್ದು ಅದರಲ್ಲಿ ಜೇಮ್ಸ್ ವಿನ್ಸ್‌ಗೆ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದಿದ್ದಕ್ಕಾಗಿ ಹೇರ್ ಡ್ರೈಯರ್ ಅನ್ನು ನೀಡಲಾಯಿತು. ಅನೇಕ ಕ್ರಿಕೆಟ್ ಅಭಿಮಾನಿಗಳು ಅದನ್ನು ನಂಬಲು ಕಷ್ಟಪಟ್ಟರು. ಇದಾದ ನಂತರ, ಕ್ರಿಕೆಟ್ ಅಭಿಮಾನಿಗಳು ಸಾಮಾಜಿಕ ಮಾಧ್ಯಮದಲ್ಲಿ ಪಾಕಿಸ್ತಾನ ಸೂಪರ್ ಲೀಗ್ ಮತ್ತು ಕರಾಚಿ ಕಿಂಗ್ಸ್ ಅನ್ನು ಟ್ರೋಲ್ ಮಾಡಲು ಪ್ರಾರಂಭಿಸಿದರು.
ಮುಲ್ತಾನ್ ಸುಲ್ತಾನ್ಸ್ ಮತ್ತು ಕರಾಚಿ ಕಿಂಗ್ಸ್ ನಡುವಿನ ಪಂದ್ಯವು ಫೆಬ್ರವರಿ 12ರಂದು ಕರಾಚಿಯ ರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆಯಿತು. ಈ ಪಂದ್ಯದಲ್ಲಿ ಪ್ರೇಕ್ಷಕರ ಸಂಖ್ಯೆ ತುಂಬಾ ಕಡಿಮೆಯಿತ್ತು. ಆದರೆ ಪಂದ್ಯಾವಳಿಯಲ್ಲಿ ತೊಡಗಿರುವ ಭದ್ರತಾ ಸಿಬ್ಬಂದಿ ಸಂಖ್ಯೆ ಹೆಚ್ಚಾಗಿತ್ತು. ಈ ಬಗ್ಗೆ ಪಾಕಿಸ್ತಾನಿ ಪತ್ರಕರ್ತ ಸ್ವತಃ ಸಾಮಾಜಿಕ ಮಾಧ್ಯಮದಲ್ಲಿ ಫೋಟೋ ಹಂಚಿಕೊಂಡಿದ್ದು, ಪಿಎಸ್‌ಎಲ್‌ನಲ್ಲಿ 6700 ಭದ್ರತಾ ಸಿಬ್ಬಂದಿ ಇದ್ದರು ಆದರೆ ಪ್ರೇಕ್ಷಕರ ಸಂಖ್ಯೆ ಕೇವಲ 5000 ಮಾತ್ರ ಎಂದು ಹೇಳಿಕೊಂಡಿದ್ದಾರೆ.