ಸಿಲ್ಹೆಟ್ : ಬಾಂಗ್ಲಾದೇಶ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದ ಮೊದಲ ದಿನದಂದು ಪಾಕಿಸ್ತಾನ ತಂಡ ಭಾರಿ ಆತಂಕಕ್ಕೆ ಒಳಗಾಯಿತು.
ಸ್ಟಾರ್ ವೇಗಿ ಹಸನ್ ಅಲಿ ತಲೆಗೆ ಗಾಯವಾಗಿ ಸ್ಟ್ರೆಚರ್ ಮೂಲಕ ಅವರನ್ನು ಮೈದಾನದಿಂದ ಹೊರಗೆ ಕರೆದೊಯ್ಯಲಾಯಿತು. ಸಿಲ್ಹೆಟ್ನಲ್ಲಿ ನಡೆದ ಪಂದ್ಯದಲ್ಲಿ ಪಾಕಿಸ್ತಾನದ ನಾಯಕ ಶಾನ್ ಮಸೂದ್ ಟಾಸ್ ಗೆದ್ದು, ಮೊದಲಿಗೆ ಬೌಲಿಂಗ್ ಮಾಡಲು ಆಯ್ಕೆ ಮಾಡಿಕೊಂಡರು. ಎಂಟನೇ ಓವರ್ನಲ್ಲಿ ಹಸನ್, ತಂಜಿದ್ ಹಸನ್ ತಮೀಮ್ಗೆ ಬೌಲಿಂಗ್ ಮಾಡುತ್ತಿದ್ದಾಗ ಈ ಘಟನೆ ನಡೆದಿದೆ.
ಬ್ಯಾಟರ್ ಚೆಂಡನ್ನು ನೇರವಾಗಿ ಬೌಲರ್ ಕಡೆಗೆ ತಿರುಗಿಸಿದ್ದಾರೆ. ಕ್ಯಾಚ್ ತೆಗೆದುಕೊಳ್ಳುವ ಪ್ರಯತ್ನದಲ್ಲಿ ಹಸನ್ ಮುಂದಕ್ಕೆ ಹಾರಿದಾಗ ಬ್ಯಾಲೆನ್ಸ್ ಕಳೆದುಕೊಂಡಿದ್ದು, ಕೆಳಗೆ ಬಿದ್ದಿದ್ದು, ಅವರ ತಲೆಗೆ ಗಾಯವಾಗಿದೆ.
ವೈದ್ಯಕೀಯ ತಂಡ ಮತ್ತು ತಂಡದ ಸದಸ್ಯರು ಅವರ ಸಹಾಯಕ್ಕೆ ಧಾವಿಸಿದಾಗ ಅವರು ಅಸ್ವಸ್ಥತೆಯಲ್ಲಿ ಸ್ಪಷ್ಟವಾಗಿ ಕಾಣಿಸಿಕೊಂಡರು. ಸ್ಟ್ರೆಚರ್ ಅನ್ನು ಮೈದಾನಕ್ಕೆ ತರಲಾಯಿತು. ಹೆಚ್ಚಿನ ಚಿಕಿತ್ಸೆಗಾಗಿ ಹೊರಗೆ ಕರೆದೊಯ್ಯಲಾಯಿತು.
ಹಸನ್ ನಂತರ 15 ನೇ ಓವರ್ನಲ್ಲಿ ಮೈದಾನಕ್ಕೆ ಮರಳಿದರು. 19 ನೇ ಓವರ್ನಿಂದ ಬೌಲಿಂಗ್ ಅನ್ನು ಸಹ ಪುನರಾರಂಭಿಸಿದರು, ಇದು ಪಾಕಿಸ್ತಾನಕ್ಕೆ ಸಮಾಧಾನ ತಂದಿತು.