ಕ್ರೈಸ್ಟ್‌ಚರ್ಚ್‌: ನ್ಯೂಜಿಲೆಂಡ್ ವೇಗಿ ನಾಥನ್ ಸ್ಮಿತ್ ಎಸೆದ ಅಪಾಯಕಾರಿ 'ಬೀಮರ್' ಎಸೆತದಿಂದ ಭಾರತ ತಂಡದ ಟಿ-20 ನಾಯಕ ಶ್ರೇಯಸ್ ಅಯ್ಯರ್ ಗಾಯದ ಆತಂಕಕ್ಕೆ ಒಳಗಾದ ಘಟನೆ ಕ್ರೈಸ್ಟ್‌ಚರ್ಚ್‌ನಲ್ಲಿ ನಡೆದ ಮೊದಲ ಟಿ-20 ಪಂದ್ಯದಲ್ಲಿ ನಡೆದಿದೆ.

ಭಾರತದ ಬ್ಯಾಟಿಂಗ್ ಇನ್ನಿಂಗ್ಸ್‌ನ 16ನೋ ಓವರ್‌ನಲ್ಲಿ ನ್ಯೂಜಿಲೆಂಡ್‌ನ ಬೌಲರ್ ನಾಥನ್ ಸ್ಮಿತ್ ನಿಯಂತ್ರಣ ತಪ್ಪಿ ಸೊಂಟದ ಎತ್ತರಕ್ಕೆ ಫುಲ್ ಟಾಸ್ (ಬೀಮರ್) ಎಸೆದರು.

ಈ ಚೆಂಡು ನೇರವಾಗಿ ಶ್ರೇಯಸ್ ಅಯ್ಯರ್ ಅವರ ಗ್ಲೌಸ್ ಮತ್ತು ಮಣಿಕಟ್ಟಿಗೆ ಬಡಿಯಿತು. ತೀವ್ರ ನೋವಿನಿಂದಾಗಿ ಅವರು ಬ್ಯಾಟ್ ಬಿಟ್ಟು ದೂರ ನಡೆದರು.

ಈ ಘಟನೆಯು ಭಾರತದ ಚೇಸಿಂಗ್‌ಗೆ ಸ್ವಲ್ಪ ಸಮಯ ಅಡ್ಡಿಪಡಿಸಿತು. ಸ್ಮಿತ್ ತಕ್ಷಣವೇ ಅಯ್ಯರ್ ಬಳಿ ಬಂದು ಕ್ಷಮೆಯಾಚಿಸಿದರು. ಅಂಪೈರ್ ಇದನ್ನು 'ನೋ-ಬಾಲ್' ಎಂದು ಘೋಷಿಸಿದರು.

ಅದೃಷ್ಟವಶಾತ್, ಗಾಯದ ಆತಂಕದ ನಡುವೆಯೂ ಶ್ರೇಯಸ್ ಅಯ್ಯರ್ ಪ್ರಥಮ ಚಿಕಿತ್ಸೆ ಪಡೆದು ಬ್ಯಾಟಿಂಗ್ ಮುಂದುವರಿಸಿದರು. ಅವರು 28 ಎಸೆತಗಳಲ್ಲಿ 2 ಬೌಂಡರಿ ಹಾಗೂ 1 ಸಿಕ್ಸರ್ ನೆರವಿನಿಂದ 42 ರನ್ ಗಳಿಸಿ ಔಟಾದರು.

ಕ್ರೈಸ್ಟ್ ಚರ್ಚ್ ನ ಹ್ಯಾಗ್ಲೇ ಓವಲ್ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ನ್ಯೂಜಿಲೆಂಡ್ ನೀಡಿದ್ದ 226 ರನ್ ಗಳ ಬೃಹತ್ ಮೊತವನ್ನು ಭಾರತ ತಂಡ 19.4 ಓವರ್ ನಲ್ಲೇ ಬೆನ್ನಟ್ಟಿ 4 ವಿಕೆಟ್ ಗಳ ರೋಚಕ ಜಯ ದಾಖಲಿಸಿತು. ಆ ಮೂಲಕ ಟಿ20 ಇತಿಹಾಸದ ಅತೀ ದೊಡ್ಡ ಗೆಲುವು ಸಾಧಿಸಿತು.