ಬೆಂಗಳೂರು: ನಕಲಿ ನೋಟು ಚಲಾವಣೆ ಮಾಡುತ್ತಿದ್ದ ಜಾಲ ಪತ್ತೆ ಹಚ್ಚಿರುವ ಸಿಸಿಬಿ ಪೊಲೀಸರು ಐವರನ್ನು ಬಂಧಿಸಿ ರು. 1000 ಹಾಗೂ ರು. 500 ಮುಖಬೆಲೆಯ ರು. 1,06,500 ಮೌಲ್ಯದ ನಕಲಿ ನೋಟುಗಳನ್ನು ವಶಪಡಿಸಿಕೊಂಡಿದ್ದಾರೆ.
ಮಲ್ಲಸಂದ್ರ ನಿವಾಸಿ ತೇಕಮ್ ರಾಮ್, ಆಶಾ, ಹೆಸರಘಟ್ಟದ ಹಾಲಸ್ವಾಮಿ, ಜಾಲಹಳ್ಳಿಯ ಸಿದ್ದೇಶ ಬಂಧಿತರು. ಪಶ್ಚಿಮ ಬಂಗಾಳ ಮೂಲದ ಇಕ್ಬಾಲ್ ಎಂಬಾತ ತಲೆಮರೆಸಿಕೊಂಡಿದ್ದಾನೆ. ನಕಲಿ ನೋಟುಗಳನ್ನು ಬಾಂಗ್ಲಾದೇಶದಿಂದ ಭಾರತಕ್ಕೆ ತಂದು ಚಲಾವಣೆ ಮಾಡಲಾಗುತ್ತಿತ್ತು. ಆರೋಪಿಗಳು 1 ನಕಲಿ ನೋಟಿನ ಬದಲಿಗೆ 3 ನಕಲಿ ನೋಟು ಮಾರಾಟ ಮಾಡುತ್ತಿದ್ದರು. ಅಲ್ಲದೇ, ಸ್ವತಃ ಚಲಾವಣೆ ಕೂಡಾ ಮಾಡುತ್ತಿದ್ದರು.
ಬಂಧಿತ ಆಶಾಳ ಪತಿ ಕುಮಾರಸ್ವಾಮಿ ಎಂಬಾತ ಚಿಕ್ಕಮಗಳೂರು ಜಿಲ್ಲೆ ಅಜ್ಜಂಪುರದಲ್ಲಿ ಸೆರೆ ಸಿಕ್ಕಿದ್ದಾನೆ. ಉಳಿದ ಆರೋಪಿಗಳ ಬಗ್ಗೆ ಅಲ್ಲಿನ ಪೊಲೀಸರು ಮಾಹಿತಿ ನೀಡಿದ್ದರು. ಬಳಿಕ ಸಿಸಿಬಿ ಪೊಲೀಸರು ಆರೋಪಿಗಳನ್ನು ಬಂಧಿಸಿದ್ದಾರೆ.