ಕೊಳ್ಳೇಗಾಲ: ವೀಕೆಂಡ್ ಮಸ್ತಿಗಾಗಿ ಸ್ನೇಹಿತರೊಂದಿಗೆ ತೆರಳಿದ ಟೆಕ್ಕಿಯೊಬ್ಬಳು ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿರುವ ಘಟನೆ ಚಾಮರಾಜನಗರ ತಾಲೂಕಿನ ಕೊಳ್ಳೇಗಾಲ ಬಳಿಯಿರುವ ಶಿವನ ಸಮುದ್ರದ ಭರಚುಕ್ಕಿ ಜಲಪಾತದಲ್ಲಿ ನಡೆದಿದೆ. ನೇಹಾ  ಮೃತಪಟ್ಟ ಟೆಕ್ಕಿ.

ಜಾರ್ಖಂಡ್ ಮೂಲದ ಈಕೆ ಮೈಸೂರಿನ ಇನ್ಫೋಸಿಸ್‍ ನಲ್ಲಿ ತರಬೇತಿ ಪಡೆಯುತ್ತಿದ್ದಳು.  ವೀಕೆಂಡ್ ಹಿನ್ನೆಲೆಯಲ್ಲಿ ಸ್ನೇಹಿತರೊಂದಿಗೆ ಭರಚುಕ್ಕಿಗೆ ತೆರಳಿದ್ದಳು ಎನ್ನಲಾಗಿದೆ.

ಭಾನುವಾರ ಸ್ನೇಹಿತರೊಂದಿಗೆ ಚಾಮರಾಜನಗರ ಕೊಳ್ಳೆಗಾಲ ಬಳಿ ಇರುವ ಶಿವನ ಸಮುದ್ರದ ಭರಚುಕ್ಕಿ ಜಲಪಾತಕ್ಕೆ ತೆರಳಿದ್ದರು. ಜಲಪಾತ ವೀಕ್ಷಿಸಿದ ಬಳಿಕ ಸಂಜೆ ನೀರಿನಲ್ಲಿ ಆಟವಾಡುತ್ತಿದ್ದಾಗ ಗವಿಗುಂಡಿ ಬಳಿ ಕಾಲು ಜಾರಿ ನೀರಿಗೆ ಬಿದ್ದ ಪರಿಣಾಮ ಮುಳುಗಿ ಸಾವನ್ನಪ್ಪಿದ್ದಾರೆ. ವಿಷಯ ತಿಳಿದು ಸ್ಥಳಕ್ಕೆ ಕೊಳ್ಳೇಗಾಲ ಗ್ರಾಮಾಂತರ ಎಸ್‍ಐ ಮೋಹಿತ್ ಸಹದೇವ್ ಅವರು ತೆರಳಿದ್ದು ಶವದ ಹುಡುಕಾಟ ಮುಂದುವರೆದಿದೆ. ಈ ಸಂಬಂಧ ಕೊಳ್ಳೇಗಾಲ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.