ಹುಬ್ಬಳ್ಳಿ: ಹುಬ್ಬಳ್ಳಿಯ ಶಿರೂರ ಕುಟುಂಬ, ಹುಬ್ಬಳ್ಳಿ ಆರ್ಟ್ ಸರ್ಕಲ್ ಮತ್ತು ಡಾ. ಗಂಗೂಬಾಯಿ ಹಾನಗಲ್ ಮ್ಯೂಸಿಕ್ ಫೌಂಡೇಷನ್ ಆಶ್ರಯದಲ್ಲಿ ದಿ. ಶಾರದಾ ಬಿ. ಶಿರೂರ ಅವರ ಸ್ಮರಣಾರ್ಥ ಫೆ. 9ರಂದು ಸಂಜೆ 5ಕ್ಕೆ ಸವಾಯಿ ಗಂಧರ್ವ ಹಾಲ್‌ನಲ್ಲಿ ಸಂಗೀತ ಕಾರ್ಯಕ್ರಮ ಆಯೋಜಿಸಲಾಗಿದೆ ಎಂದು ವಿಕ್ರಮ ಶಿರೂರ ತಿಳಿಸಿದರು.  ಬುಧವಾರ ಪತ್ರಿಕಾಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದ ಅವರು, 83 ವಯಸ್ಸಿನ ಹಿಂದೂಸ್ತಾನಿ ಗಾಯಕ ಪಂಡಿತ್ ವಸಂತ್ ಹೆರವಟ್ಟೆ ಅವರನ್ನು ಈ ಸಂದರ್ಭದಲ್ಲಿ ಸನ್ಮಾನಿಸಲಾಗುವುದು. ಅಂದು ನಡೆಯುವ ಕಾರ್ಯಕ್ರಮದಲ್ಲಿ ಪಂಡಿತ ವಸಂತ್ ಹೆರವಟ್ಟೆ, ಓಂಕಾರ್ ಗುಲ್ವಾಡಿ, ಉಸ್ತಾದ್ ಜೀಶನ್ ಖಾನ್ ಹಿಂದೂಸ್ತಾನಿ ಶಾಸ್ತ್ರೀಯ ಸಂಗೀತವನ್ನು ರಸಿಕರಿಗೆ ಉಣಬಡಿಸಲಿದ್ದಾರೆ. ಕಿರಣ್ ಅಯಾಚಿತ್ ಹಾರ್ಮೋನಿಯಂ ಮತ್ತು ಶ್ರಿವತ್ಸ ಕೌಲಗಿ ಅವರು ತಬಲಾ ಸಾಥ್ ನೀಡಲಿದ್ದಾರೆ. ಸಂಗೀತ ಹಬ್ಬದಲ್ಲಿ ವಿಜಯ ಪಾಟೀಲ ಕೂಡ ಶಾಸ್ತ್ರೀಯ ಸಂಗೀತವನ್ನು ಹಾಡಲಿದ್ದಾರೆ ಎಂದು ತಿಳಿಸಿದರು. ಪತ್ರಿಕಾಗೋಷ್ಠಿಯಲ್ಲಿ ಬಾಬುರಾವ್ ಹಾನಗಲ್ ಮತ್ತು ಮನೋಜ ಹಾನಗಲ್ ಇದ್ದರು.