ಧಾರವಾಡ:  ಕರ್ನಾಟಕ ವಿಶ್ವವಿದ್ಯಾಲಯ ಗ್ರಂಥಾಲಯ ಮತ್ತು ಮಾಹಿತಿ ವಿಜ್ಞಾನ ವಿಭಾಗದ ಸುವರ್ಣ ಮಹೋತ್ಸವ ಮತ್ತು 58ನೇ ಭಾರತೀಯ ಗ್ರಂಥಾಲಯ ಸಂಘದ ಅಂತಾರಾಷ್ಟ್ರೀಯ ಸಮ್ಮೇಳನ ಫೆ. 24ರಿಂದ 27ರ ವರೆಗೆ ಕವಿವಿಯ ಸುವರ್ಣ ಸಮುಚ್ಚಯ ಭವನದಲ್ಲಿ ಹಮ್ಮಿಕೊಳ್ಳಲಾಗಿದೆ. ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಈ ವಿಷಯ ತಿಳಿಸಿದ ಸಮ್ಮೇಳನ ಸಂಘಟನಾ ಕಾರ್ಯದರ್ಶಿ ಡಾ೤ ಬಿ.ಡಿ. ಕುಂಬಾರ, ದೇಶ-ವಿದೇಶಗಳಿಂದ ಗ್ರಂಥಾಲಯ ಮತ್ತು ಮಾಹಿತಿ ವಿಜ್ಞಾನ ಶಿಕ್ಷಕರು, ಪರಿಣಿತರು ಭಾಗವಹಿಸಲಿದ್ದಾರೆ. ಸಮಾವೇಶದಲ್ಲಿ ಚರ್ಚೆ-ಪ್ರಚರ್ಚೆಗಳು ನಡೆಯಲಿವೆ. ಫೆ. 24ರಂದು ಸಂಜೆ 4.30ಕ್ಕೆ ಉದ್ಘಾಟನೆ ನಡೆಯಲಿದ್ದು, ಪ್ರೊ೤ ಇಸ್ಮಾಯಿಲ್ ಅಬ್ದುಲ್ಲಾಹಿ, ಡಾ೤ ವಿನೋದ ನೋವಲ್ ಭಾಗವಹಿಸುತ್ತಾರೆ. ಕವಿವಿ ಕುಲಪತಿ ಡಾ೤ ಎಚ್.ಬಿ. ವಾಲೀಕಾರ ಅಧ್ಯಕ್ಷತೆ ವಹಿಸಲಿದ್ದಾರೆ ಎಂದರು. ವಿಭಾಗದ ನಿವೃತ್ತ ಶಿಕ್ಷಕರನ್ನು ಸನ್ಮಾನಿಸಲಾಗುತ್ತಿದೆ. ದೇಶ ವಿದೇಶಗಳಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ವಿಭಾಗದ ಹಳೆ ವಿದ್ಯಾರ್ಥಿಗಳೂ ಸಮಾವೇಶಕ್ಕೆ ಆಗಮಿಸಲಿದ್ದಾರೆ. ಸಮ್ಮೇಳನದಲ್ಲಿ ಸುಮಾರು 12 ಗೋಷ್ಠಿಗಳು ನಡೆಯಲಿವೆ ಎಂದು ತಿಳಿಸಿದರು. ಸುದ್ದಿಗೋಷ್ಠಿಯಲ್ಲಿ ಪತ್ರಿಕೋದ್ಯಮ ವಿಭಾಗದ ಪ್ರಾಧ್ಯಾಪಕ ಡಾ೤ ಸಂಜಯ ಮಾಲಗತ್ತಿ, ಡಾ೤ ಮಹೇಶ ಹೊರಕೇರಿ, ಬಿ.ಎಸ್. ಮಾಳವಾಡ, ಎಂ.ಎನ್. ಮೂಲಿಮನಿ, ಡಾ೤ ಗುರುರಾಜ ಹಡಗಲಿ ಇದ್ದರು.