ಕನ್ನಡಪ್ರಭ ವಾರ್ತೆ, ಸವಣೂರು, ಜ.15
ಮತದಾನ ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಪ್ರತಿಯೊಬ್ಬರ ಜನ್ಮಸಿದ್ದ ಹಕ್ಕು. ಆದ್ದರಿಂದ ಮತದಾನವನ್ನು ಪ್ರತಿಯೊಬ್ಬರು ತಪ್ಪದೇ ಕೈಗೊಳ್ಳಬೇಕೆಂದು ಮಜೀದ್ ಪ್ರೌಢಶಾಲೆ ಪ್ರಾಚಾರ್ಯ ಪ್ರೊ. ವಾಯ್.ವಿ. ಯತ್ನಳ್ಳಿ ತಿಳಿಸಿದರು.
ನಗರದ ಬಾಲಕಿಯರ ಪಿಯು ಕಾಲೇಜಿನಲ್ಲಿ ಮತದಾರರ ದಿನಾಚರಣೆ ಅಂಗವಾಗಿ ವಿವಿಧ ಸ್ಫರ್ಧಾತ್ಮಕ ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿ ಮತನಾಡಿದರು.
ಪ್ರಜಾಪ್ರಭುತ್ವ ಯಶಸ್ವಿಯಾಗಿ ರೂಪಗೊಳ್ಳಲು ಯೋಗ್ಯರಿಗೆ ಮತದಾನ ಮಾಡಿ, ಸಾರ್ವಜನಿಕರು ತಮ್ಮ ಹಕ್ಕು ಚಲಾಯಿಸಬೇಕೆಂದು ಕರೆ ನೀಡಿದರು.
ಇದಕ್ಕೂ ಪೂರ್ವ ನಗರದ ಗೋಕಾಕ ವೃತ್ತದ ಬಳಿ ವಿದ್ಯಾರ್ಥಿನಿಯರು ಮಾನವ ಸರಪಳಿ ನಿರ್ಮಿಸಿ ಸಾರ್ವಜನಿಕರ ಗಮನ ಸೆಳೆದರು.
ವಿವಿಧ ಸ್ಪರ್ಧಾ ವಿಜೇತರು: ಬಳಿಕ ನಡೆ ವಿವಿಧ ಸ್ಪರ್ಧೆಗಳಲ್ಲಿ ತಾಲೂಕಿನ ವಿವಿಧ ಪಿಯು ಕಾಲೇಜಿನ ವಿದ್ಯಾರ್ಥಿಗಳು ಭಾಗವಹಿಸಿ, ತಮ್ಮ ಪ್ರತಿಭೆ ಪ್ರದರ್ಶಿಸಿದರು. ಸಂಗೀತ ವಿಭಾಗದಲ್ಲಿ ಸವಣೂರಿನ ಪ್ರಥಮ ಪಿಯು ಬಾಲಕಿಯರ ವಿಭಾಗದಲ್ಲಿ ರಾಬಿಯಾ ಬಳ್ಳಾರಿ ಪ್ರಥಮ, ಸವಣೂರಿನ ಮು.ವ.ವಿ ಕಾಲೇಜಿನ ಶಂಭುಲಿಂಗ ಹಡಪದ ಪ್ರಥಮ, ಸವಣೂರಿನ ಚನ್ನಬಸವೇಶ್ವರ ಪಿಯು ಕಾಲೇಜಿನ ರವಿಚಂದ್ರ ಮೈದೂರು ದ್ವಿತೀಯ ಸ್ಥಾನ ಪಡೆದಿದ್ದಾರೆ.
ದ್ವಿತೀಯ ಪಿಯು ವಿಭಾಗದ ಸಂಗೀತ ಸ್ಪರ್ಧೆಯಲ್ಲಿ ಸವಣೂರಿನ ಮು.ವ.ವಿ ಕಾಲೇಜಿನ ಸಂಗೀತಾ. ಎನ್. ಪ್ರಥಮ, ನಾಟಕ ಪ್ರದರ್ಶನದಲ್ಲಿ ಪ್ರಥಮ ಪಿಯು ಬಾಲಕರ ವಿಭಾಗದಲ್ಲಿ ಸವಣೂರಿನ ಮುರಾರ್ಜಿ ವಸತಿ ವಿಜ್ಞಾನ ಕಾಲೇಜಿನ ವಿದ್ಯಾರ್ಥಿಗಳು ಪ್ರಥಮ ಸ್ಥಾನ ಪಡೆದರೆ, ದ್ವಿತೀಯ ಪಿಯು ವಿಭಾಗದಲ್ಲಿ ಸವಣೂರಿನ ಮಜೀದ ಪಿಯು ಕಾಲೇಜಿನ ವಿದ್ಯಾರ್ಥಿಗಳು ದ್ವಿತೀಯ ಸ್ಥಾನ ಪಡೆದಿದ್ದಾರೆ.
ಈ ಸಂದರ್ಭದಲ್ಲಿ ಸ.ಬಾ. ಪಿ.ಯು ಕಾಲೇಜಿನ ಪ್ರಾಚಾರ್ಯ ಮಕುಂದಪ್ಪ, ಸ.ಮ. ಪಿ.ಯು ಕಾಲೇಜಿನ ಉಪನ್ಯಾಸಕ ಎ.ವಿ. ಹಾಲಗಿ, ಗ್ರಂಥಪಾಲಕಿ ಜಿ.ವಿ. ಗೋಠೆ ಸೇರಿದಂತೆ ಸಿಬ್ಬಂದಿ ಉಪಸ್ಥಿತರಿದ್ದರು.
ಎಸ್.ಬಿ. ಶಿವಪ್ಪನವರ ಸ್ವಾಗತಿಸಿ, ನಿರ್ವಹಿಸಿದರು. ಜಿ.ಡಿ. ಕಟಗಿ ವಂದಿಸಿದರು.