ಮೈಸೂರು: ನಾಲ್ಕನೇ ಕರ್ನಾಟಕ ಏರ್ ಸ್ಕ್ವಾಡ್ರನ್ ಎನ್‌ಸಿಸಿ ಘಟಕದಿಂದ ಸರಸ್ವತಿಪುರಂ ಜೆಎಸ್‌ಎಸ್ ಪ್ರೌಢಶಾಲೆಯ ಜೂನಿಯರ್ ಎನ್‌ಸಿಸಿ ಕೆಡೆಟ್‌ಗಳಿಗಾಗಿ ಎರಡು ದಿನಗಳ ವಾಯು ತರಬೇತಿ ಶಿಬಿರ ನಡೆಯಿತು.
ಕಮಾಂಡಿಂಗ್ ಅಧಿಕಾರಿ ಜೋಸೆಫ್ ವರ್ಗಿಸ್ ವಾಯು ತರಬೇತಿ ನೀಡಿದ್ದು, ಸಹಾಯಕ ವ್ಯವಸ್ಥಾಪಕ ಎಂ.ಆರ್. ವಂಶಿ ಕೃಷ್ಣ ಏರ್ ಕಂಟ್ರೋಲ್ ಬಗ್ಗೆ ಸಲಹೆ ನೀಡಿದರು. ಈ ತರಬೇತಿಯಲ್ಲಿ ಸುಮಾರು 50 ಕೆಡೆಟ್‌ಗಳು ಭಾಗವಹಿಸಿ ಸೂಕ್ತ ಮಾರ್ಗದರ್ಶನ ಪಡೆದರು. ಕೆಡೆಟ್‌ಗಳು ಬಹಳ ಉತ್ಸಾಹದಿಂದ ಭಾಗವಹಿಸಿ ಮಾರ್ಗದರ್ಶನ ಪಡೆದು ಹರ್ಷಗೊಂಡರು.
ಶಿಬಿರದಲ್ಲಿ ಆಡಳಿತಾಧಿಕಾರಿ ಅಫ್ತಾಬ್ ಆಲಮ್ ಹಾಜರಿದ್ದರು. ತರಬೇತಿ ವಿಭಾಗದ ಜೂನಿಯರ್ ವಾರೆಂಟ್ ಆಫೀಸರ್ ಜೆ.ಎಸ್. ಹರ್ಷ, ಎನ್‌ಸಿಸಿ ಅಧಿಕಾರಿ ಅಪ್ಪಾಸಾಬ್ ಮಾಲಿ, ಮಾಸ್ಟರ್ ವಾರೆಂಟ್ ಅಧಿಕಾರಿ ಎ.ಕೆ. ಸಿಂಗ್ ಹಾಗೂ ಸಿಬ್ಬಂದಿ ಇದ್ದರು.