ರಾಯಚೂರು: ಜಿಲ್ಲಾ ಖಜಾನೆ ಇಲಾಖೆಯ ನೌಕರರ ಸಂಘದ ಸರ್ವ ಸದಸ್ಯರ ಸಭೆ ಇತ್ತೀಚೆಗೆ ನಡೆದ ನೂತನ ಪದಾಧಿಕಾರಿಗಳನ್ನು ಆಯ್ಕೆ ಮಾಡಲಾಯಿತು.
ಸಭೆಯಲ್ಲಿ 2014ರಿಂದ 2016ರವರೆಗಿನ ನೂತನ ಸಮಿತಿಗೆ ಪದಾಧಿಕಾರಿಗಳನ್ನು ಆಯ್ಕೆ ಮಾಡಲಾಯಿತು. ಸಂಘದ ಜಿಲ್ಲಾಧ್ಯಕ್ಷರಾಗಿ ಮಡಿವಾಳಪ್ಪ ಕೊಳ್ಳೂರು, ಗೌರವಾಧ್ಯಕ್ಷರಾಗಿ ಶ್ರೀನಿವಾಸರಾವ್ ಬಾಗಲವಾಡ, ಉಪಾಧ್ಯಕ್ಷರಾಗಿ ಕಲ್ಲಪ್ಪಾಚಾರ್, ಪ್ರಧಾನ ಕಾರ್ಯದರ್ಶಿಯಾಗಿ ಪಿ. ರಾಮಸ್ವಾಮಿ, ಖಜಾಂಟಿಯಾಗಿ ಬಸವರಾಜ ಹೊಸಮನಿ, ಸಹ ಕಾರ್ಯದರ್ಶಿಯಾಗಿ ವೆಂಕಟಾಚಲ, ಸಂಘಟನಾ ಕಾರ್ಯದರ್ಶಿಯಾಗಿ ಫಹಮಿದಾ ಹಾಗೂ ಕಾನೂನು ಸಲಹೆಗಾರರಾಗಿ ಶಿವಕುಮಾರ ಸ್ವಾಮಿ ಮತ್ತು ಅಬ್ದುಲ್ ಖದೀರ್ ಅವರನ್ನು ನೇಮಿಸಲಾಯಿತು.
ಕಾರ್ಯಕಾರಿ ಸಮಿತಿ ಸದಸ್ಯರಾಗಿ ಗುಲಾಂ ದಸ್ತಗಿರಿ, ನೂರ ಅಹ್ಮದ, ರಾಮು, ಉಮಾಶಂಕರ, ಮಹ್ಮದ ಅಲಿ, ವೆಂಕಟೇಶ, ರಾಜಶೇಖರಯ್ಯ, ಶಂಕ್ರಮ್ಮ, ಮಮತಾ, ಡಿ. ತಿಮ್ಮಯ್ಯ ಹಾಗೂ ಈರೇಶ ನೇಮಕಗೊಂಡರೆಂದು ಸಂಘ ತಿಳಿಸಿದೆ.