ರಾಯಚೂರು: ದೇವದುರ್ಗ ತಾಲೂಕಿನ ಶಾಖಾಪುರ ಗ್ರಾಮವನ್ನು ಮುಷ್ಟೂರು ಮತದಾನ ಕೇಂದ್ರದಿಂದ ಪ್ರತ್ಯೇಕಿಸುವಂತೆ ದಸಂಸ ಒತ್ತಾಯಿಸಿದೆ. ಈ ಕುರಿತು ಜಿಲ್ಲಾಧಿಕಾರಿಗಳಿಗೆ ದೂರು ಸಲ್ಲಿಸಿರುವ ಸಂಘದ ಪ್ರಮುಖರು, ಸದ್ಯ ಮುಷ್ಟೂರು ಗ್ರಾಮದ ಮತಗಟ್ಟೆಯಲ್ಲಿ ಶಾಖಾಪುರ ಗ್ರಾಮದ ಮತದಾರರು ಮತದಾನ ಮಾಡುತ್ತಿದ್ದು, ಮುಷ್ಟೂರು ಗ್ರಾಮವು ಐದು ಕಿಮೀ ದೂರದಲ್ಲಿರುವುದರಿಂದ ಮತದಾರರಿಗೆ ತೊಂದರೆಯಾಗುತ್ತಿದೆ ಎಂದು ಆರೋಪಿಸಿದ್ದಾರೆ. ಶಾಖಾಪುರ ಗ್ರಾಮದಲ್ಲಿ ಸುಮಾರು 500 ರಿಂದ 600 ಮತದಾರರಿದ್ದಾರೆ. ಹೀಗಾಗಿ ಪ್ರತಿ ಬಾರಿ ನಡೆಯುವ ಚುನಾವಣೆಯಲ್ಲಿ ಕೇವಲ 100 ಜನ ಮಾತ್ರ ಮತದಾನ ಮಾಡುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಶಾಖಾಪುರ ಗ್ರಾಮಕ್ಕೆ ಪ್ರತ್ಯೇಕ ಮತಗಟ್ಟೆ ಸ್ಥಾಪಿಸಬೇಕು ಎಂದು ಸಂಘಟನೆಯ ರಾಮಪ್ಪ ಬಡಿಗೇರ್, ರಂಗಪ್ಪ ಕೋತಿಗುಡ್ಡ ಮತ್ತಿತರರು ಒತ್ತಾಯಿಸಿದ್ದಾರೆ.