ಲಕ್ಷ್ಮೀ ಬರ್ಕ್‌ಲಿ ರಮೇಶ್, ಕಿರಗಂದೂರು
ರಾಜಕೀಯಕ್ಕೆ ಧುಮುಕಿದರೆ ಬೇಗ ಶ್ರೀಮಂತರಾಗಬಹುದಾ?
ಬರೀ ಧುಮುಕಿದರೆ ಆಗದು, ಈಜುವುದಕ್ಕೂಗೊತ್ತಿರಬೇಕು!

ವಿ. ಹೇಮಂತಕುಮಾರ್, 9035992900
ಕೊಡಗಿನ ಕಿತ್ತಳೆ ಹಣ್ಣಿನಂತಿದ್ದ ಅವಳ ಕೆನ್ನೆ ಪೈನಾಪಲ್ ತರಹ ಆಗಿದೆಯಲ್ಲ ಏಕೆ?
ಒಡೆದ ಹಲಸಿನ ಹಣ್ಣಿನಂತಿರುವ ಹುಡುಗರ ಮುಖ ನೋಡಿ ನೋಡಿ ತಾನು ಬದಲಾದೆ ಎಂಬುದವಳ ವಿವರಣೆ!

ರಮೇಶ್ ಭಟ್ ಆವರ್ಸೆ, 9164276058
ಐ ಲವ್ ಯು ಎಂಬ ಪದ ಎಲ್ಲಿಂದ ಬಂದಿದ್ದು ಗೊತ್ತಾ?
ಬಹುಶಃ ಚೀನಾದಿಂದಲೇ ಇರಬಹುದು. ಎಲ್ಲ ಚೀನಾ ಐಟಮ್‌ಗಳ ಹಾಗೆಯೇ ಇದಕ್ಕೂ ವಾರಂಟಿ-ಗ್ಯಾರಂಟಿ ಏನೂ ಇಲ್ಲ!

ಬಸವನಗೌಡ ಹೆಬ್ಬಳಗೆರೆ, ಚನ್ನಗಿರಿ
ಎಲ್ಲ ಕಾಲೇಜುಗಳಲ್ಲಿ ಮುಂದಿನ ಬೆಂಚುಗಳಲ್ಲೇ ಯಾಕೆ ಹುಡ್ಗೀರನ್ನ ಕೂರಿಸ್ತಾರೆ?
ಹಾಗಾದರೂ ಕ್ಲಾಸಿನಲ್ಲಿ ಕುಳಿತಿರುವ ಹುಡುಗರು ಎಲ್ಲೇಲ್ಲೋ ನೋಡುವುದನ್ನು ಬಿಟ್ಟು ಕರಿ ಹಲಗೆ ದಿಕ್ಕಿನಲ್ಲೇ ಮುಖ ಇಡುವಂತಾಗಲಿ ಎಂದು.

ಕೆ.ಎಂ.ಲಿಂಗರಾಜು, ನಂಜನಗೂಡು 9916021365
ಮತದಾರನ ಮತ ಎಲ್ಲಿಯ ತನಕ ಅಮೂಲ್ಯವಾಗಿರುತ್ತದೆ?
ತನ್ನ ಮತಕ್ಕೆ ಮೌಲ್ಯವಿದೆ ಎಂದು ಮತದಾರ ತಿಳಿದಿರುವವರೆಗೂ..

-ಬಾಣಭಟ್ಟ