ಕಂಚಗನಹಳ್ಳಿ ಧನಂಜಯ 9141308498
ಯುದ್ಧಕೈದಿ ಹಾಗೂ ಪ್ರೇಮಕೈದಿ ಇವರ ನಡುವಿನ ವ್ಯತ್ಯಾಸವೇನು?
ವ್ಯತ್ಯಾಸಗಳು ಎಷ್ಟಿದ್ದರೂ ಇಬ್ಬರ ಧೈರ್ಯವನ್ನು ಮೆಚ್ಚಲೇಬೇಕು.

ವಿ. ಹೇಮಂತಕುಮಾರ್ 9035992900
ಇಷ್ಟಪಟ್ಟವಳನ್ನು ಒಲಿಸಿಕೊಳ್ಳುವ ವಶೀಕರಣ ವಿದ್ಯೆ ಯಾವುದಾದರೂ ಇದೆಯಾ?
ವಶೀಕರಣಕ್ಕೆ ಖುದ್ದು ಒಳಗಾಗುವುದೊಂದೇ ಮಾರ್ಗ.

ಬಸವನಗೌಡ ಹೆಬ್ಬಳಗೆರೆ, ಚನ್ನಗಿರಿ
ಸುರಸುಂದರಾಂಗಿಗೆ 'ಬ್ಯೂಟಿಕ್ವೀನ್' ಅನ್ನುವಂತೆ ಸುಂದರಾಂಗನಿಗೆ 'ಬ್ಯೂಟಿಕಿಂಗ್' ಅಂತ ಯಾಕೆ ಹೇಳಲ್ಲ?
ಅವನಿಗೆ ಹ್ಯಾಂಡ್ಸಮ್ ಅಂತಾರೆ ಅಂತ ಆಕೆಗೆ ಹ್ಯಾಂಡ್ಸಮೆಸ್ ಅನ್ನೋಕಾಗುತ್ತಾ?

ಜಗದೀಶ ಎಂ. ಸಂಗಣ್ಣನವರ, ಬೆಳಗಾವಿ
ನನ್ನ ಕೆಲವು ಪ್ರಶ್ನೆಗಳಿಗೆ ನೀವು ಉತ್ತರಿಸಿಲ್ಲ. ನಿಮ್ಮ ಮೇಲೆ ಕೇಸ್ ಹಾಕಬಹುದಾ?
ವಕ್ರತುಂಡೋಕ್ತಿ ಬರೆದರೆ ಕೇಸ್ ಹಾಕ್ತಾರೆ. ಇಲ್ಲಿ ಉತ್ತರ ಬರೆಯದಿದ್ದರೆ ಕೇಸಾ?

ಪುಟ್ಟಸೋಮನಹಳ್ಳಿ ಗಾನಾಸುಮಾ, ಪಾಂಡವಪುರ 9844486924
ಅಪ್ಪಿ ತಪ್ಪಿ ಏನಾದ್ರೂ ಗಾಂಧೀಜಿ ಹುಟ್ಟಿಬಂದು ಚುನಾವಣೆಗೆ ನಿಂತ್ರೆ ಠೇವಣಿ ಸಿಗುತ್ತಾ?
ಟಿಕೆಟ್ ಸಿಕ್ಕರೆ ತಾನೇ ಠೇವಣಿ ವಿಷಯ?

 ಬಾಣಭಟ್ಟ