ಹರಳಹಳ್ಳಿ ಪುಟ್ಟರಾಜು, ಪಾಂಡವಪುರ, 9632838088
ಏರು ಯೌವ್ವನದವರು ಹೃದಯದ ಬಗ್ಗೆ ನಿಗಾವಹಿಸುವುದಿಲ್ಲವೇಕೆ?
'ಎದೆ'ಗಾರಿಕೆ ಅಡ್ಡಬರುವುದರಿಂದ!

ವಿ. ಹೇಮಂತಕುಮಾರ, 9035992900
ಹೆಚ್ಚು ಓದಿದ ಹುಡುಗಿಯರು ಬೇಗ ಮದುವೆಯಾಗುವುದಿಲ್ಲ ಏಕೆ?
ಓದುವ ಭರದಲ್ಲಿ ಮದುವೆಯಾಗಲು ಪುರುಸೊತ್ತು ಸಿಗದಿರುವುದರಿಂದ!

ಹರಳಹಳ್ಳಿ ಪುಟ್ಟರಾಜು, ಪಾಂಡವಪುರ, 9632838088
ಈ ಜಗತ್ತಿನಲ್ಲಿ ಕಷ್ಟ ಅನ್ನೋದು ಯಾರಿಗೆ ಇರೋದಿಲ್ಲ ಹೇಳಿ?
ನಿಮಗೆ ಪ್ರಶ್ನೆ ಕೇಳೋ ಕಷ್ಟ, ನನಗೆ ಉತ್ತರಿಸೋ ಕಷ್ಟ!

ಕೆ.ಎಂ. ಲಿಂಗರಾಜು, 9916021365
ಸೂಕ್ತ ಕಾಲದಲ್ಲಿ ದಾಖಲೆಗಳನ್ನು ಪ್ರದರ್ಶಿಸುತ್ತೀನಿ ಅಂತಾರಲ್ಲ ಯಾಕೆ?
ಸೂಕ್ತ ಕಾಲ ಬರುವುದಿಲ್ಲ, ಬಂದರೂ ಅದನ್ನು ಸೂಕ್ತ ಕಾಲವಲ್ಲವೆಂದು ನಿರ್ಧರಿಸುವ ಅಧಿಕಾರ ಅವರಿಗೇ ಇರುವುದರಿಂದ!

ಕೊ.ಸು. ನರಸಿಂಹಮೂರ್ತಿ, ಮೈಸೂರು
ಡಿ.ಕೆ.ಶಿ. ಕೊಂಬು ಮುರಿಯುತ್ತೇನೆಂದ ಮಾಜಿ ಸಂಸದೆ ತೇಜಸ್ವಿನಿ ಗೌಡ ಏಕೆ ಹಾಗೆ ಹೇಳಿದ್ರು?
ಅವರುಂಟು, ಕೊಂಬುಂಟು. ನಾವ್ಯಾಕೆ ಸುಮ್ಕೆ ಮಧ್ಯದಲ್ಲಿ!

 ಬಾಣಭಟ್ಟ