ತಲವಾಟ ಮಂಜುನಾಥ, ಸಾಗರ
ಬ್ರೇಕಿಲ್ಲದ ಗಾಡಿ ಮತ್ತು ಬ್ರೇಕಿಂಗ್ ನ್ಯೂಸ್ ನಡುವೆ ಸಾಮ್ಯತೆಯೇನು?
ಬ್ರೇಕಿಲ್ಲದ ಗಾಡಿ ನಡೆಸಿದರೆ ಬ್ರೇಕಿಂಗ್ ನ್ಯೂಸ್ನಲ್ಲಿ ಬರಬಹುದು!

ಮಂಜುನಾಥ್, ಅಣಜಿ, ದಾವಣಗೆರೆ
ಲವ್ ಮಾಡಿ ಮದುವೆಯಾಗಬೇಕೋ ಅಥವಾ ಮದುವೆಯಾದ ಮೇಲೆ ಲವ್ ಮಾಡಬೇಕೋ?
ಹೇಗಾದರೂ ಸರಿ, ಆದರೆ ಲವ್ ಮಾತ್ರ ಕೊನೆಯವರೆಗೂ ಇರಬೇಕು

ಬಸವನಗೌಡ ಹೆಬ್ಬಳಗೆರೆ, ಚನ್ನಗಿರಿ
ಮುಖವನ್ನು ನೋಡಿಕೊಳ್ಳೋ ಕನ್ನಡಿಯಿದ್ದಂತೆ ಮನಸ್ಸನ್ನು ನೋಡಿಕೊಳ್ಳುವ ಕನ್ನಡಿಯಿದ್ದಿದ್ರೆ?
ನಿಮ್ಮ ಕನ್ನಡಿಯನ್ನು ಬೇರೆಯವರು ಕದ್ದು ನೋಡ್ತಿದ್ರು!

ಬಸವನಗೌಡ, ಚನ್ನಗಿರಿ
ಒಂದೊಮ್ಮೆ ಮನುಷ್ಯನಿಗೆ ಕತ್ತಲೆಯಲ್ಲೂ ಕಣ್ಣು ಕಾಣುವಂತಿದ್ದರೆ ಹೇಗಿರುತ್ತಿತ್ತು?
ಗೂಬೆ ನನ್ಮಕ್ಳು ಅಂತ ಕರೆಯಬಹುದಿತ್ತು.

ಸಂದೇಶ ಭಗೀರಥ್, ಬೆಂಗಳೂರು
ನನ್ನ ಪ್ರೇಯಸಿಗೆ ಚಂದ್ರ, ತಾರೆಗಳು ಬೇಕಂತೆ..
ಅವನ್ನೆಲ್ಲ ತೊಗೊಂಡು ಏನ್ಮಾಡ್ತೀಯ ಅಂತ ಕೇಳ್ಬೇಕಿತ್ತು?!


 ಬಾಣಭಟ್ಟ