ಬ್ರೆಜಿಲ್ ನ ಫುಟ್ಬಾಲ್ ಆಟಗಾರ ನೈಮರ್ ತಾನೇ ಜಗತ್ತಿನ ಶ್ರೇಷ್ಠ ಫುಟ್ಬಾಲ್ ಆಟಗಾರ ಎಂದು ಹೇಳಿಕೊಳ್ಳುವ ಮೂಲಕ ಸುದ್ದಿಯಲ್ಲಿದ್ದಾರೆ. 

ಬ್ರೆಜಿಲ್ ರಾಷ್ಟ್ರೀಯ ತಂಡದ ಫಾರ್ ವರ್ಡ್ ಆಟಗಾರನಾಗಿರುವ ನೈಮರ್ ನಾನೇ ಜಗತ್ತಿನ ಅತ್ಯುತ್ತಮ ಆಟಗಾರ. ಅರ್ಜೇಂಟಿನಾದ ಲಿಯೋನಲ್ ಮೆಸ್ಸಿ ಮತ್ತು ಫೋರ್ಚುಗಲ್ ನ ರೊನಾಲ್ಡೋ ಬೇರೆ ಗ್ರಹದಿಂದ ಬಂದವರು. ಇವರಿಬ್ಬರೂ ಎಲ್ಲಾ ಆಟಗಾರರಿಗಿಂತಲೂ ಶ್ರೇಷ್ಠ ಸ್ಥಾನದಲ್ಲಿದ್ದಾರೆ ಎಂದು ಹೊಗಳಿದ್ದಾರೆ. 

ತನಗಿಂತಲೂ ಮೆಸ್ಸಿ ಮತ್ತು ರೊನಾಲ್ಡೋ ಶ್ರೇಷ್ಠ ಆಟಗಾರರು ಎಂದು ಹೇಳುವ ಮೂಲಕ ನೈಮರ್ ಕ್ರೀಡಾಪ್ರೇಮಿಗಳ ಮನಗೆದ್ದಿದ್ದಾರೆ. 

ನಾನು ವಿಶ್ವದ ಶ್ರೇಷ್ಠ ಆಟಗಾರನಾಗಬೇಕಾಗಿಲ್ಲ. ಆದರೆ ನಾನು ಈ ಬಾರಿಯ ಫಿಫಾ ವಿಶ್ವಕಪ್ ಗೆಲ್ಲಬೇಕಾಗಿದೆ. ಇದರಿಂದ ಬಹುಕಾಲದ ಕನಸು ಈಡೇರುತ್ತದೆ ಎಂದು ಹೇಳಿದ್ದಾರೆ. 

26 ವರ್ಷದ ನೈಮರ್ ಈ ಬಾರಿಯ ಫುಟ್ಬಾಲ್ ವಿಶ್ವಕಪ್ ನ ಜನಪ್ರಿಯ ತಾರೆಯರಲ್ಲಿ ಒಬ್ಬರಾಗಿದ್ದು ಟೂರ್ನಿಯ ಗೋಲ್ಡನ್ ಬೂಟ್ ನ ಸ್ಪರ್ಧಿಯೂ ಆಗಿದ್ದಾರೆ.