ಬೇಕಾಗುವ ಪದಾರ್ಥಗಳು

• ಉದ್ದಿನ ಬೇಳೆ 2 ಕಪ್
• ಜೀರಿಗೆ- 1 ಚಮಚ
• ಕಾಳು ಮೆಣಸು- 1 ಚಮಚ
• ಕರಿಬೇವು, ಕೊತ್ತಂಬರಿ ಸೊಪ್ಪು
• ಹಸಿರು ಮೆಣಸಿನಕಾಯಿ-2
• ತೆಂಗಿನ ಕಾಯಿ- ಸ್ವಲ್ಪ
• ಶುಂಠಿ- 1 ಇಂಚು
• ಉಪ್ಪು.ಅಡುಗೆ ಸೋಡಾ
• ವಡೆ ಕರಿಯಲು ಅಡುಗೆ ಎಣ್ಣೆ

• ಉದ್ದಿನ ಬೇಳೆಯನ್ನು ನಾಲ್ಕರಿಂದ 5 ಗಂಟೆ ನೆನೆಸಿ ನಂತರ ನೀರನ್ನು ಬಸಿದುಕೊಳ್ಳಿ
• ಉದ್ದಿನ ಬೇಳೆಯನ್ನು ನುಣ್ಣಗೆ ರುಬ್ಬಿಕೊಳ್ಳಿ, ರುಬ್ಬುವಾಗ ನೀರನ್ನು ಸೇರಿಸಬಾರದು.
• ನಂತರ ಉದ್ದಿನ ಹಿಟ್ಟಿಗೆ ಹೆಚ್ಚಿದ ಹಸಿಮೆಣಸಿನಕಾಯಿ, ಕೊತ್ತಂಬರಿ ಸೊಪ್ಪು, ಶುಂಠಿ, ತೆಂಗಿನ ಕಾಯಿ ಹಾಕಿ ಕಲೆಸಿ.
• ಅದಕ್ಕೆ ಜೀರಿಗೆ ಕಾಳು ಮೆಣಸು ಉಪ್ಪು, ಸ್ವಲ್ಪ ಅಡುಗೆ ಸೋಡಾ ಹಾಕಿ ಮಿಕ್ಸ್ ಮಾಡಿ.
• ಹಿಟ್ಟು ತುಂಬಾ ತೆಳುವಾಗಬಾರದು. ಒಂದು ಹದಕ್ಕೆ ಕಲೆಸಿಕೊಂಡು ಬಾಳೆ ಎಲೆ ಇಲ್ಲವೇ ಕೈಯ್ಯಿನ ಮೇಲೆ ತಟ್ಟಿಕೊಂಡು ಅದರ ಮಧ್ಯೆ ಒಂದು ಸಣ್ಣ ತೂತು ಮಾಡಿ.
• ಸ್ಟವ್ ಹಚ್ಚಿ ಬಾಣಲೆಗೆ ಎಣ್ಣೆ ಬಿಡಿ. ಎಣ್ಣೆ ಕಾದ ನಂತರ ಅದಕ್ಕೆ ತಟ್ಟದ ಉದ್ದಿನ ಹಿಟ್ಟನ್ನು ಹಾಕಿ ಕಂದು ಬಣ್ಣ ಬರುವವರೆಗೂ ಎರಡು ಕಡೆ ಸಣ್ಣ ಉರಿಯಲ್ಲಿ ಚೆನ್ನಾಗಿ ಕರಿಯಿರಿ.
• ನಂತರ ಸಾಂಬಾರ್ ಇಲ್ಲವೇ ಚಟ್ನಿ ಜೊತೆ ಬಿಸಿ ಇರುವಾಗಲೇ ತಿನ್ನಿರಿ