ಬೇಕಾಗುವ ಪದಾರ್ಥಗಳು

• ಬೆಲ್ಲ- 1 ಬಟ್ಟಲು  
• ಕಜ್ಜಾಯದ ಅಕ್ಕಿ- 2 ಬಟ್ಟಲು
• ಕಳಿತ ಬಾಳೆಹಣ್ಣು- 1
• ಏಲಕ್ಕಿ ಪುಡಿ - ಸ್ವಲ್ಪ
• ಬಿಳಿ ಎಳ್ಳು - ಸ್ವಲ್ಪ

• ಹಿಂದಿನ ದಿನವೇ ಕಜ್ಜಾಯದ ಅಕ್ಕಿಯನ್ನು 3-4 ಗಂಟೆಗಳ ಕಾಲ ಚೆನ್ನಾಗಿ ನೆನೆಸಿ ನೀರನ್ನು ಬಸಿದು ಹತ್ತಿ ಬಟ್ಟೆಯ ಮೇಲೆ ಹಾಕಿ ಅಕ್ಕಿಯಲ್ಲಿರುವ ನೀರೆಲ್ಲ ಹೋಗುವಂತೆ ಆರಲು ಬಿಡಬೇಕು. ನಂತರ ಈ ಅಕ್ಕಿಯನ್ನು ಒರಳಿಗೆ ಹಾಕಿ ನೀರು ಹಾಕದಂತೆ ಚೆನ್ನಾಗಿ ಪುಡಿ ಮಾಡಿಟ್ಟುಕೊಳ್ಳಬೇಕು.
• 1/4 ಬಟ್ಟಲು ನೀರಿನೊಂದಿಗೆ ಬೆಲ್ಲವನ್ನು ಪುಡಿ ಮಾಡಿ ಹಾಕಿ ಪಾಕ ಮಾಡಿಕೊಳ್ಳಬೇಕು. ಪಾಕ ಅಂಟಿಗೆ ಬರುವ ತನಕ ಚೆನ್ನಾಗಿ ಕೈಯಾಡಿಸಬೇಕು.
• ಈ ಪಾಕಕ್ಕೆ ತೊಳೆದು ಪುಡಿ ಮಾಡಿಟ್ಟುಕೊಂಡ ಅಕ್ಕಿ ಹಿಟ್ಟನ್ನು ಹಾಕಿ ಚೆನ್ನಾಗಿ ಮಿಶ್ರಣ ಮಾಡಬೇಕು. ನಂತರ ಇದು ತಣ್ಣಗಾಗಲು ಬಿಡಬೇಕು.
• ತಣ್ಣಗಾದ ನಂತರ ಕಿವುಚಿದ ಬಾಳೆಹಣ್ಣು, ಏಲಕ್ಕಿ ಪುಡಿ ಹಾಗೂ ಬಿಳಿ ಎಳ್ಳನ್ನು ಹಾಕಿ ಒಂದು ರಾತ್ರಿಯಿಡೀ ಅಥವಾ 8 ಗಂಟೆಗಳ ಕಾಲ ಹಾಗೆ ಬಿಡಬೇಕು.
• ನಂತರ ಅಗಲವಾದ ಬಾಣಲೆಯೊಂದನ್ನು ಒಲೆಯ ಮೇಲಿಟ್ಟು ಎಣ್ಣೆ ಹಾಕಿ ಚೆನ್ನಾಗಿ ಕಾಯಿಸಬೇಕು. ರಾತ್ರಿಯಿಡೀ ನೆನೆದ ಹಿಟ್ಟನ್ನು ತೆಗೆದುಕೊಂಡು ವೃತ್ತಾಕಾರವಾಗಿ ಅಗಲವಾಗಿ ತಟ್ಟಿ ಕಾದ ಎಣ್ಣೆಗೆ ಹಾಕಿ ಚಿನ್ನದ ಬಣ್ಣ ಬರುವವರೆಗೂ ಕರಿದರೆ. ಬಿಸಿಬಿಸಿ ಕಜ್ಜಾಯ ತಯಾರಾಗುತ್ತದೆ.