ಎಳ್ಳು ಬೆಲ್ಲ ಮತ್ತು ಸಕ್ಕರೆ ಅಚ್ಚಿನ ಜೊತೆಗೆ ಮಕರ ಸಂಕ್ರಾಂತಿಗೆ ಮಾಡುವ ಮತ್ತೊಂದು ತಿನಿಸು ಸಿಹಿ ಪೊಂಗಲ್...
ಬೇಕಾಗುವ ಪದಾರ್ಥಗಳು:
ಒಂದು ಕಪ್ ಬೆಳ್ತಿಗೆ ಅಕ್ಕಿ
1/2 ಕಪ್ ಹೆಸರು ಬೇಳೆ
1 1/2 ಕಪ್ ಬೆಲ್ಲ ತುರಿ
1/4 ಕಪ್ ತೆಂಗಿನ ತುರಿ
2 ಚಮಚ ಗೇರು ಬೀಜ
2 ಚಮಚ ಒಣದ್ರಾಕ್ಷಿ
3ರಿಂದ 4ಚಮಚ ಏಲಕ್ಕಿ ಪುಡಿ
3ರಿಂದ 4 ಚಮಚ ತುಪ್ಪ
3ರಿಂದ 4 ಕಪ್ ನೀರು ಹೆಸರು ಬೇಳೆ ಬೇಯಿಸಲು ಮತ್ತು ಬೆಲ್ಲ ಕರಗಿಸಲು
ಮಾಡುವ ವಿಧಾನ:
ಹೆಸರು ಬೇಳೆ ಮತ್ತು ಅಕ್ಕಿಯನ್ನು ತೊಳೆದು ಸ್ವಚ್ಛಗೊಳಿಸಿ ಒಟ್ಟಿಗೆ ಹಾಕಿ ಮೂರು ಕಪ್ ನೀರು ಹಾಕಿ ಪ್ರೆಶರ್ ಕುಕ್ಕರ್ ನಲ್ಲಿ ಬೇಯಿಸಿ. ಎರಡು ವಿಶಲ್ ಹಾಕಿಸಿದರೆ ಸಾಕು. ಕುಕ್ಕರ್ ನ ಗ್ಯಾಸ್ ಹೋದ ನಂತರ ಹೆಸರು ಬೇಳೆ ಮತ್ತು ಅನ್ನವನ್ನು ಚಮಚದಿಂದ ಹಿಸುಕಿ ಪಕ್ಕಕ್ಕಿಡಿ.
ಮತ್ತೊಂದು ತವಾದಲ್ಲಿ 2-3ಚಮಚ ತುಪ್ಪ ಹಾಕಿ ಗೇರುಬೀಜ, ಒಣದ್ರಾಕ್ಷಿ ಹಾಕಿ ಹುರಿಯಿರಿ. ಅದನ್ನು ಸಣ್ಣ ಬೌಲ್ ನಲ್ಲಿ ಹಾಕಿ ಪಕ್ಕಕ್ಕಿಡಿ.
ತವದಲ್ಲಿ ಅರ್ಧ ಕಪ್ ಬೆಲ್ಲ ಹಾಕಿ ಮಧ್ಯಮ ಉರಿಯಲ್ಲಿ ಸ್ಟೌನಲ್ಲಿ ಕರಗಿಸಿಕೊಳ್ಳಿ. ಅದರಲ್ಲಿ ಮರಳು, ಕಸವಿದ್ದರೆ ತೆಳುವಾದ ಶುಭ್ರ ಬಟ್ಟೆಯೊಂದಕ್ಕೆ ಹಾಕಿ ಸೋಸಿಕೊಳ್ಳಿ. ನಂತರ ಮತ್ತೊಮ್ಮೆ ಬೆಲ್ಲಪಾಕ ಹದ ಬರುವವರೆಗೆ ಕುದಿಸಿಕೊಳ್ಳಿ.
ನಂತರ ಬೆಲ್ಲಪಾಕಕ್ಕೆ ಬೇಯಿಸಿ ಹಿಸುಕಿಟ್ಟ ಅನ್ನ ಮತ್ತು ಹೆಸರುಬೇಳೆ ಮಿಶ್ರಣ ಹಾಕಿ. ನಂತರ ಅದನ್ನು ಸಣ್ಣ ಉರಿಯಲ್ಲಿ ಸೀದು ಹೋಗದಂತೆ ಸೌಟಿನಿಂದ ತಿರುಗಿಸುತ್ತಾ 5 ನಿಮಿಷ ಇರಿ.
ನಂತರ ಅದಕ್ಕೆ ತೆಂಗಿನ ತುರಿ ಸೇರಿಸಿ.ತುಪ್ಪ ಸೇರಿಸುತ್ತಿದ್ದರೆ ತುಪ್ಪ ಹಾಕಿ ಸ್ವಲ್ಪ ಹೊತ್ತು ಬಿಸಿ ಮಾಡಿ. ನಂತರ ಅದಕ್ಕೆ ದ್ರಾಕ್ಷಿ, ಗೋಡಂಬಿ, ಏಲಕ್ಕಿ ಪುಡಿ ಹಾಕಿ ಮಿಶ್ರಣ ಮಾಡಿ. ಸಿಹಿ ಪೊಂಗಲ್ ಸಿದ್ಧ.