ವಾಷಿಂಗ್ ಟನ್: ಕುರುಕು ತಿಂಡಿ ತಿನ್ನುವುದರಿಂದ ಕೇವಲ ಒಂದೇ ವಾರದಲ್ಲಿ ಕೊಬ್ಬಿನ ಅಂಶವನ್ನು ಹೆಚ್ಚು ಮಾಡುತ್ತದೆ ಎಂಬುದು ಹೊಸ ಸಂಶೋಧನೆಯಿಂದ ತಿಳಿದುಬಂದಿದೆ.
ಸಮೀಕ್ಷೆಗೊಳಪಟ್ಟ ಆರು ಜನರಿಗೆ ಪ್ರತಿ ದಿನ ಪಿಜ್ಜಾ, ಬರ್ಗರ್ ಮತ್ತು ಇತರ ಜಂಕ್ ಆಹಾರ ಸೇರಿದಂತೆ 6 ,000 ಕ್ಯಾಲೊರಿ ಆಹಾರವನ್ನು ನೀಡಲಾಗಿತ್ತು, ಜಂಕ್ ಆಹಾರ ಸೇವಿಸಿದ ಎರಡೇ ದಿನಗಳಲ್ಲಿ ಆರೋಗ್ಯದಲ್ಲಿ ವ್ಯತ್ಯಾಸ ಕಂಡುಬಂದಿದೆ ಎಂದು ಸಂಶೋಧಕರು ಹೇಳಿದ್ದಾರೆ.
ಆರು ಜನರ ಪೈಕಿ ಮೂವರ ತೂಕದಲ್ಲಿ ಯಾವುದೇ ಬದಲಾವಣೆಗಳಾಗಿರಲಿಲ್ಲ. ಇನ್ನು ಮೂವರು ತೂಕ ಹೆಚ್ಚಿಸಿಕೊಂದಿದ್ದರು. ಜಂಕ್ ಫುಡ್ ತಿಂದ ವ್ಯಕ್ತಿಗಳಲ್ಲಿ 3 .5 ಕೆ ತೂಕ ಹೆಚ್ಚಿದ್ದು ಇನ್ಸುಲಿನ್ ಪ್ರತಿರೋಧ ಲಕ್ಷಣಗಳು ಗೋಚರಿಸಿದ್ದು,  2 ನೇ ವಿಧದ ಮಧುಮೇಹದ ಪ್ರಮುಖ ಅಂಶ ಇದಾಗಿದೆ.
ಅಮೆರಿಕನ್ನರ ಸರಾಸರಿ ಆಹಾರ ಕ್ರಮ ಹಾಗೂ ಅದು ಎರಡನೇ ಹಂತದ ಮಧುಮೇಹಕ್ಕೆ ಹೇಗೆ ಕಾರಣವಾಗಲಿದೆ ಎಂಬುದನ್ನು ತಿಳಿಯಲು ಈ ಸಂಶೋಧನೆ ನಡೆಸಲಾಗಿದೆ.