ನವದೆಹಲಿ: ಭಾರತದಲ್ಲಿ ಮಧುಮೇಹ ಕಾಯಿಲೆ ಎದುರಿಸುತ್ತಿರುವ ಒಟ್ಟು ಜನರಲ್ಲಿ ಕಾಲುಭಾಗಷ್ಟು ಜನರು ಗುಜರಾತ್ ನವರು ಎಂದು ಕೇಂದ್ರ ಸರ್ಕಾರ ಬಿಡುಗಡೆ ಮಾಡಿರುವ ಅಂಕಿ ಅಂಶಗಳಿಂದ ತಿಳಿದುಬಂದಿದೆ.

2015 ರ ಮಾರ್ಚ್ ವರೆಗೆ ರಾಜಸ್ಥಾನದಲ್ಲಿ 67,738 ಮಧುಮೇಹ ಪ್ರಕರಣಗಳು ಬೆಳಕಿಗೆ ಬಂದಿದೆ. ಪಂಜಾಬ್ ನಲ್ಲಿ 32 ,100 ಪಶ್ಚಿಮ ಬಂಗಾಳದಲ್ಲಿ 11 908 ಪ್ರಕರಣಗಳು, ಜಾರ್ಖಂಡ್ ನಲ್ಲಿ 17 240 ಪ್ರಕರಣಗಳಿದ್ದರೆ, ಗುಜರಾತ್ ನಲ್ಲಿ 159 ,150 ಪ್ರಕರಣಗಳಿದ್ದು ಅತಿ ಹೆಚ್ಚು ಮಧುಮೇಹಕ್ಕೆ ತುತ್ತಾಗಿರುವ ಜನರಿರುವ ರಾಜ್ಯವಾಗಿದೆ.

ಕೇಂದ್ರ ಸರ್ಕಾರ ಬಿಡುಗಡೆ ಮಾಡಿರುವ 2015 ರ ನ್ಯಾಷನಲ್ ಹೆಲ್ತ್ ಪ್ರೊಫೈಲ್ ಪ್ರಕಾರ ಪ್ರಸಕ್ತ ವರ್ಷ ಬೆಳಕಿಗೆ ಬಂದಿರುವ ಒಟ್ಟು 715 , 382 ಪ್ರಕರಣದಲ್ಲಿ 159 ,150 ಗುಜರಾತ್ ನಲ್ಲಿ ಪತ್ತೆಯಾಗಿವೆ. ದೆಹಲಿ ಹಾಗೂ ಮಣಿಪುರದ ಅಂಕಿ-ಅಂಶಗಳು ಸಿಕ್ಕಿಲ್ಲ ಎಂದು ಕೇಂದ್ರ ಆರೋಗ್ಯ ಸಚಿವ ಜೆಪಿ ನಡ್ಡಾ ಹೇಳಿದ್ದಾರೆ. ಇದೇ ವೇಳೆ ತೀವ್ರ ಉಸಿರಾಟ ಸೋಂಕು ಪ್ರಕರಣಗಳು ಸಹ ಹೆಚ್ಚಾಗಿವೆ. 2014 ರಲ್ಲಿ ದೇಶಾದ್ಯಂತ ಒಟ್ಟು 34,814,636 ಪ್ರಕರಣಗಳು ದಾಖಲಾಗಿವೆ.