ಎಲ್ಲಿಯ ಸೋಪು, ಎಲ್ಲಿಯ ಪ್ರೆಗ್ನೆನ್ಸಿ? ಒಂದಕ್ಕೊಂದು ಲಿಂಕೇ ಇಲ್ಲ ಅಂತಂದ್ಕೊಂಡಿದ್ದೀವಿ. ಭರ್ಜರಿ ಲಿಂಕ್ ಇದೆ. ಆದ್ರೆ, ಇದು ಭಯ ಹುಟ್ಟಿಸುವ ಲಿಂಕ್! ಮಹಿಳೆಯರು ಮೈಗೆ ಅತಿಯಾದ ಸೋಪು, ಶಾಂಪೂ ಬಳಸಿದ್ರೆ ಗರ್ಭಪಾತ ಆಗುತ್ತಂತೆ! ಬೀಜಿಂಗ್ನ ಪೀಕಿಂಗ್ ಯುನಿವರ್ಸಿಟಿ ಈ ಆತಂಕಕಾರಿ ಸಂಶೋಧನೆಯನ್ನು ತೆರೆದಿಟ್ಟಿದೆ.
ಹೊಸದಾಗಿ ಗರ್ಭ ಧರಿಸಿದ 300 ಮಹಿಳೆಯರನ್ನು ಸಂಶೋಧನೆಗೆ ಒಳಪಡಿಸಲಾಗಿತ್ತು. ಅವರಿಗೆ ಅಗತ್ಯಕ್ಕಿಂತ ಹೆಚ್ಚು ಸೋಪು, ಶಾಂಪೂ ಬಳಸಲು ಸೂಚಿಸಲಾಗಿತ್ತು. 5 ವಾರದ ನಂತರ ಅವರ ಮೂತ್ರ ಪರೀಕ್ಷೆ ಮಾಡಿದಾಗ 132 ಮಹಿಳೆಯರು ಗರ್ಭಪಾತಕ್ಕೀಡಾಗಿದ್ದರು. ಅನೇಕರು ತಜ್ಞರ ಮಾತನ್ನು ಉಲ್ಲಂಘಿಸಿ ಕಡಿಮೆ ಸೋಪು- ಶಾಂಪೂ ಬಳಸಿ, ಬಚಾವಾದರಂತೆ.
ಇವುಗಳಲ್ಲಿರುವ `ಫ್ತಾಲೇಟ್' ಅಂಶ ದೇಹವನ್ನು ಆಂತರಿಕವಾಗಿಯೂ ಡ್ರೈ ಮಾಡುತ್ತದಂತೆ. ಈ ಸೋಪು, ಶಾಂಪೂಗಳನ್ನು ಮಾರುಕಟ್ಟೆಗೆ ಬಿಡುವ ಮುನ್ನ ಪ್ರಾಣಿಗಳ ಮೇಲೆ ಪ್ರಯೋಗಿಸಲಾಗುತ್ತದೆ. ಆದರೆ, ಕೆಲವು ಕಂಪನಿಗಳು ಇಂಥ ಪರೀಕ್ಷೆ ನಡೆಸದೆ ನೇರವಾಗಿ ಮಾರುಕಟ್ಟೆಗೆ ಬಿಡುವುದೇ ಈ ಸ್ಥಿತಿಗೆ ಕಾರಣವಾಯಿತು ಅಂತಾರೆ ಪೀಕಿಂಗ್ ತಜ್ಞರು.