ಬೆಂಗಳೂರು: ಬೆಂಗಳೂರು ಮತ್ತು ಮೈಸೂರು ವಿಶ್ವವಿದ್ಯಾನಿಲಯಗಳ ಉಪ ಕುಲಪತಿಗಳ ಅವಧಿ ಮುಗಿದು ನಿವೃತ್ತಿಯಾಗಿ 3 ತಿಂಗಳು ಸಮಯ ಕಳೆದಿದ್ದರೂ ಇನ್ನೂ ವಿಸಿ ನೇಮಕವಾಗಿಲ್ಲ.

ಬೆಂಗಳೂರು ವಿವಿ ಉಪಕುಲಪತಿ ನೇಮಕ ಹಲವು ಕಾರಣಗಳಿಗೆ ವಿಳಂಬವಾಗುತ್ತಿದೆ, ಬುಧವಾರ ಆಯ್ಕೆ ಸಮಿತಿ ಸಭೆ ನಡೆಯಬೇಕಾಗಿತ್ತು, ಆದರೆ ಸಭೆಗೆ ಸಮಿತಿ ಸದಸ್ಯರ ಗೈರಿನ ಹಿನ್ನೆಲೆಯಲ್ಲಿ ಇಂದು ನಡೆಯಬೇಕಿದ್ದ ಸಮಿತಿ ಸಭೆಯನ್ನು ಮುಂದೂಡಲಾಗಿದೆ.

ಹರ್ಯಾಣದ ಸೆಂಟ್ರಲ್ ವಿವಿ ವಿವಿ ಪ್ರೊ. ಆರ್ ಸಿ ಖುಹಾದ್ ವಯಕ್ತಿಕ ಕಾರಣಗಳಿಂದಾಗಿ ಇಂದು ನಡೆಯಬೇಕಿದ್ದ ಸಭೆಗೆ ಗೈರಾಗಿರುವ ಕಾರಣ ಮೇ10 ಮತ್ತು 11 ಕ್ಕೆ ನಿಗದಿ ಮಾಡಲಾಗಿದೆ ಎಂದು ಉನ್ನತ ಶಿಕ್ಷಣ ಇಲಾಖೆ ಮೂಲಗಳು ತಿಳಿಸಿವೆ.

ಇನ್ನೂ ಮೈಸೂರು ವಿವಿ ಉಪಕುಲಪತಿ ಹುದ್ದೆ ಕೂಡ ಜನವರಿಯಿಂದ ಖಾಲಿಯಿದೆ. ಬೆಂಗಳೂರು ವಿವಿಉಪಕುಲಪತಿ ಹುದ್ದೆಗೆ ಫೆಬ್ರವರಿಯಿಂದ ನೇಮಕ ಮಾಡಿಲ್ಲ, ಎರಡು ವಿವಿಗಳ ಮೇಲ್ವಿಚಾರಣೆಯನ್ನು ಉಸ್ತುವಾರಿ ಉಪಕುಲಪತಿಗಳು ನೋಡಿಕೊಳ್ಳುತ್ತಿದ್ದಾರೆ, ಆದರೆ ಹಲವರ ಪ್ರಕಾರ ಉಪ ಕುಲಪತಿ ನೇಮಕ ಮಾಡದ ಕಾರಣ ಅಭಿವೃದ್ಧಿಗೆ ಪೂರಕವಾಗಿರುವ ಮಹತ್ವಹ ನಿರ್ಧಾರಗಳನ್ನು ಕೈಗೊಳ್ಳಲಾಗುತ್ತಿಲ್ಲ ಎಂದು ಆರೋಪಿಸಿದ್ದಾರೆ.