ಬೆಂಗಳೂರು: ಹೆದ್ದಾರಿಗಳಲ್ಲಿ ಹೆಚ್ಚುತ್ತಿರುವ ಅಪಘಾತ ಹಾಗೂ ಕಳ್ಳತನದ ಪ್ರಕರಣಗಳನ್ನು ತಡೆಗಟ್ಟಲು ರಾಜ್ಯ ಸರ್ಕಾರ 100 ಹೈಟೆಕ್ ಗಸ್ತು ವಾಹನಗಳನ್ನು ಬಿಡುಗಡೆ ಮಾಡಿದೆ. 

ಈಗಾಗಲೇ ಘೋಷಿಸಲಾಗಿದ್ದ 3000 ಹೈಟೆಕ್ ಗಸ್ತು ವಾಹನಗಳ ಪೈಕಿ 100 ವಾಹನಗಳನ್ನು ಸಿಎಂ ಸಿದ್ದರಾಮಯ್ಯ ಬಿಡುಗಡೆ ಮಾಡಿದ್ದಾರೆ. ಸಮಾರಂಭದಲ್ಲಿ ಭಾಗಿಯಾಗಿದ್ದ ಡಿಜಿ, ಐಜಿಪಿ ಓಂ ಪ್ರಕಾಶ್, ಸಿಸಿಟಿವಿ ಕ್ಯಾಮರಾ, ಹೆಚ್ಚು ವೋಲ್ಟೇಕ್ ಹೊಂದಿರುವ ದೀಪಗಳು, ಜಿಪಿಆರ್ ಎಸ್ ಸೇರಿದಂತೆ ಹಲವು ಅತ್ಯಾಧುನಿಕ ಸೌಲಭ್ಯ ಹೊಂದಿರುವ ಪ್ರತಿ ವಾಹನಕ್ಕೂ 10.45 ಲಕ್ಷ ರೂಪಾಯಿ ಖರ್ಚಾಗಿದೆ. ವಾಹನದಲ್ಲಿ ಓರ್ವ ಸಹಾಯಕ ಸಬ್ ಇನ್ಸ್ ಪೆಕ್ಟರ್, ಓರ್ವ ಮುಖ್ಯ ಪೇದೆ, ಓರ್ವ ಪೇದೆ ಹಾಗೂ ವಾಹನ ಚಾಲಕ ಇರಲಿದ್ದು ಈಗಾಗಲೇ ಎಲ್ಲರಿಗೂ ತರಬೇತಿ ನೀಡಲಾಗಿದೆ ಪ್ರತಿ ಜಿಲ್ಲೆಯ ಎಸ್ ಪಿ ವ್ಯಾಪ್ತಿಯಲ್ಲಿ ವಾಹನಗಳಿರಲಿವೆ. ಪ್ರತಿ 40 ಕಿಮೀ ದೂರ ವ್ಯಾಪ್ತಿಯನ್ನು ಹೊಂದಿರಲಿದ್ದು, ರಾಷ್ಟ್ರೀಯ, ರಾಜ್ಯ ಹೆದ್ದಾರಿಗಳಲ್ಲಿ ನಿಯೋಜಿಸಲಾಗುವುದು ಎಂದು ಹೇಳಿದ್ದಾರೆ.