ಉಡುಪಿ: ಬೃಹತ್ ಶಿಲೆಯ ಬಂಡೆಕಲ್ಲಿನ ಗುಹೆ ಉಡುಪಿ ಜಿಲ್ಲೆಯ ಸೂಡ ದ ಹತ್ತಿರ ಸುಬ್ರಹ್ಮಣ್ಯ ದೇವಸ್ಥಾನದಲ್ಲಿ ಕಂಡುಬಂದಿದೆ. ಉದು ಕಾರ್ಕಳ ತಾಲ್ಲೂಕಿನಲ್ಲಿದೆ ಎಂದು ಶಿರ್ವದ ಎಂಎಸ್ ಆರ್ ಎಸ್ ಕಾಲೇಜಿನ ಪ್ರಾಚೀನ ಇತಿಹಾಸ ಮತ್ತು ಪುರಾತತ್ತ್ವ ಶಾಸ್ತ್ರ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಪ್ರೊ.ಟಿ.ಮುರುಗೇಶಿ ತಿಳಿಸಿದ್ದಾರೆ.

ಈ ಕುರಿತು ಪತ್ರಿಕಾ ಹೇಳಿಕೆ ಹೊರಡಿಸಿರುವ ಅವರು, ಗೋಲಾಕಾರದ ಗುಹೆಯು ಮಣ್ಣಿನಲ್ಲಿ 2 ಅಡಿ ವ್ಯಾಸ ಮತ್ತು 1 ಮೀಟರ್ ತೆರೆಯುವಿಕೆಯ ಆಕಾರದಲ್ಲಿದೆ. ಇದು ಗ್ರಾನೈಟ್ ಚಪ್ಪಡಿಯಿಂದ ಮುಚ್ಚಲ್ಪಟ್ಟಿದೆ ಮತ್ತು ಕೊಳೆತ ಮಣ್ಣಿನಿಂದ ತುಂಬಿದ ಕಾರಣದಿಂದಾಗಿ ಪುರಾತನ ಶಾಸ್ತ್ರದ ಕಲಾಕೃತಿಗಳನ್ನು ಗುಹೆಯಿಂದ ಸಂಗ್ರಹಿಸಲಾಗಿಲ್ಲ. ಮೂರು ವರ್ಷಗಳ ಹಿಂದೆ ಸಂತೂರ್ ನಲ್ಲಿ ಈ ಮಾದರಿಯ ಗುಹೆ ಕಾಣಿಸಿಕೊಂಡಿತ್ತು. ಸೂಡದ ಹತ್ತಿರ ಪಲ್ಮನೆಯಲ್ಲಿ ಮತ್ತೊಂದು ಬೃಹತ್ ಬಂಡೆಯ ಕಲ್ಲಿನ ಗುಹೆ ಕಾಣಿಸಿಕೊಂಡಿದ್ದು ಅದರೊಳಗೆ ಕೆಂಪು ಕುಂಬಾರಿಕೆಯ ಚೂರುಗಳಿದ್ದವು ಎಂದು ಮುರುಗೇಶಿ ತಿಳಿಸಿದ್ದಾರೆ.

ಸೂಡ ಗುಹೆಯ ಮಹತ್ವ: ಉಡುಪಿ ಜಿಲ್ಲೆಯಲ್ಲಿ ಇಂತಹ ಬೃಹತ್ ಶಿಲೆಯ ಬಂಡೆಕಲ್ಲಿನ ಗುಹೆಗಳು ಕಂಡುಬಂದಿದ್ದು, ಅವು ಕ್ರಿಸ್ತ ಪೂರ್ವ 800ರಿಂದ ಕ್ರಿಸ್ತಶಕ 200ರ ನಡುವಿನ ಅವಧಿಯದ್ದಾಗಿವೆ. ಸೂಡ ಬೃಹತ್ ಶಿಲೆಯ ಬಂಡೆಕಲ್ಲಿನ ಗುಹೆ ಕ್ರಿಸ್ತಪೂರ್ವ 500 ರ ಶತಮಾನಕ್ಕೆ ಸೇರಿದ್ದಾಗಿರಬಹುದು ಎಂದು ನಂಬಲಾಗಿದೆ.

ಸೂಡ ಬೃಹತ್ ಶಿಲೆಯ ಬಂಡೆಕಲ್ಲಿನ ಗುಹೆ ಸುಮಾರು 2,500 ವರ್ಷಗಳಷ್ಟು ಹಳೆಯದ್ದು. ಸಾಮಾನ್ಯವಾಗಿ ದೇವಸ್ಥಾನಗಳ ಹತ್ತಿರ ಬೃಹತ್ ಶಿಲೆಯ ಸಮಾಧಿಗಳು ಕಂಡುಬರುತ್ತವೆ.