ಬೆಂಗಳೂರು: ಮೇ.1 ರಂದು ಪ್ರಧಾನಿ ನರೇಂದ್ರ ಮೋದಿ ಕರ್ನಾಟಕ ಪ್ರವಾಸ ಕೈಗೊಳ್ಳಲಿದ್ದು, ಪ್ರಧಾನಿ ನರೇಂದ್ರ ಮೋದಿ ಅವರ ಆಗಮನವನ್ನು ರಾಜ್ಯ ಬಿಜೆಪಿ ಗೇಮ್ ಆಫ್ ಥ್ರಾನ್ಸ್ ಶೈಲಿಯಲ್ಲಿ ಘೋಷಣೆ ಮಾಡಿದೆ.
ಬಿಜೆಪಿ ಕರ್ನಾಟಕದ ಟ್ವಿಟರ್ ಹ್ಯಾಂಡಲ್ ನಲ್ಲಿ ಮೋದಿ ಅವರ ಪೂರ್ವ ನಿಗದಿತ ಉಡುಪಿ ಪ್ರವಾಸದ ಬಗ್ಗೆ ಅಮೆರಿಕದಾದ್ಯಂತ ಪ್ರಸಿದ್ಧಿ ಪಡೆದಿರುವ ಗೇಮ್ ಆಫ್ ಥ್ರಾನ್ಸ್ ಶೈಲಿಯಲ್ಲಿ ಘೋಷಣೆ ಮಾಡಿದೆ.
ಮೇ.1 ರಂದು ಉಡುಪಿಗೆ ಭೇಟಿ ನೀಡಲಿರುವ ಪ್ರಧಾನಿ ನರೇಂದ್ರ ಮೋದಿ ಉಡುಪಿ ಕೃಷ್ಣಮಠಕ್ಕೆ ತೆರಳಿ ಪೂಜೆ ಸಲ್ಲಿಸಲಿದ್ದಾರೆ. ನಂತರ ಉಡುಪಿಯಲ್ಲಿ ಸಾರ್ವಜನಿಕ ಸಭೆಯನ್ನುದ್ದೇಶಿಸಿ ಮಾತನಾಡಲಿದ್ದಾರೆ ಎಂದು ಬಿಜೆಪಿ ತಿಳಿಸಿದೆ.
ಬಿಜೆಪಿ ಪ್ರಧಾನಿ ಪ್ರವಾಸವನ್ನು ಗೇಮ್ ಆಫ್ ಥ್ರಾನ್ಸ್ ಶೈಲಿಯಲ್ಲಿ ಘೋಷಿಸುವುದಕ್ಕೂ ಟ್ವಿಟರ್ ಬಳಕೆದಾರರಿಂದ ಪ್ರಶ್ನೆಗಳು ಎದುರಾಗಿದೆ. ವಿಧಾನಸಭಾ ಚುನಾವಣೆಗಾಗಿ ಬಿಜೆಪಿ ಪ್ರಧಾನಿಯಿಂದ 12 ರ್ಯಾಲಿಗಳನ್ನು ನಡೆಸಲು ಯೋಜನೆ ರೂಪಿಸಿದ್ದು, ಈ ಪೈಕಿ ಉಡುಪಿ ರ್ಯಾಲಿಯೂ ಒಂದಾಗಿರಲಿದೆ.