ಬೆಂಗಳೂರು: ಸಾಮಾಜಿಕ ಜಾಲತಾಣ ಫೇಸ್ ಬುಕ್ ಮುಖಾಂತರ ಆರು ತಿಂಗಳಿಂದಲೂ  ಯುವತಿಯೊಬ್ಬಳಿಗೆ  ಕಿರುಕುಳ ನೀಡಿದ ವ್ಯಕ್ತಿಯೊಬ್ಬನಿಗೆ  ಯುವತಿ ಕುಟುಂಬ ಸದಸ್ಯರು ಹಾಗೂ ಸಾರ್ವಜನಿಕರು ಹಿಗ್ಗಾಮುಗ್ಗಾ ಥಳಿಸಿ  ಬಸವೇಶ್ವನಗರ ಪೊಲೀಸರಿಗೆ ಒಪ್ಪಿಸಿದ್ದಾರೆ.

ಹೋಟೆಲ್ ನೌಕರ ಸಿದ್ದು ಗೌಡ ಬಂಧಿತ ಆರೋಪಿ. ಮೈಸೂರಿನಿಂದ ಬಂದಿದ್ದ ಈತ ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದ   ಯುವತಿಗೆ ಪ್ರೆಂಡ್ ರಿಕ್ವೆಸ್ಟ್ ಕಳುಹಿಸಿದ್ದಾನೆ ಅವಳು ಅದನ್ನು ತಿರಸ್ಕರಿಸಿದ ಕಾರಣ  ಅಶ್ಲೀಲ ಸಂದೇಶಗಳನ್ನು ಅವಳ ಬಳಿಗೆ ಕಳುಹಿಸಲು ಪ್ರಾರಂಭಿಸಿದ್ದಾನೆ.

ಇದರಿಂದ ಬೇಸತ್ತ ಯುವತಿ  ಸೈಬರ್ ಅಪರಾಧ ಪೊಲೀಸರಿಗೆ ದೂರು  ಸಲ್ಲಿಸಿದ್ದಾರೆ.  ಯುವತಿಯ ಪೋಟೋವನ್ನು ಆರೋಪಿ ತನ್ನ ಫೇಸ್ ಬುಕ್  ಟೈಮ್ ಲೈನ್ ನಲ್ಲಿ ಹಾಕಿಕೊಂಡು ಎಂದು ದೂರುದಾರರು ತಿಳಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಮಾತುಕತೆಯ ನೆಪದಲ್ಲಿ ಪೋನ್ ಮಾಡಿ ಕರೆಯಿಸಿಕೊಂಡ ಯುವತಿಯ ಪೋಷಕರು  ಆತನ ಮೇಲೆ ಥಳಿಸಿದ್ದಾರೆ. ಬಳಿಕ ತಮ್ಮ ವಶಕ್ಕೆ ಒಪ್ಪಿಸಲಾಯಿತು ಎಂದು ಅವರು ಹೇಳಿದ್ದಾರೆ.

 ಪೊಲೀಸರು ಆತನ ಮೊಬೈಲ್  ವಶಕ್ಕೆ ಪಡೆದುಕೊಂಡಿದ್ದು, ಹೆಚ್ಚಿನ ವಿಚಾರಣೆಗಾಗಿ ಸೈಬರ್  ಅಪರಾಧ ವಿಭಾಗದ ಪೊಲೀಸರ ವಶಕ್ಕೆ ಒಪ್ಪಿಸಿದ್ದಾರೆ.