ಬೆಂಗಳೂರು: ಕಿಮ್ಸ್ ಸೇರಿದಂತೆ ಒಕ್ಕಲಿಗರ ಸಂಘದ ಅಧೀನದಲ್ಲಿರುವ ಎಲ್ಲಾ 18 ವಿದ್ಯಾಸಂಸ್ಥೆಗಳಲ್ಲಿ ಬೋಧಕೇತರ ಸಿಬ್ಬಂದಿಯನ್ನು ಅನಗತ್ಯವಾಗಿ ನೇಮಕ ಮಾಡಿಕೊಳ್ಳಲಾಗುತ್ತಿದೆ’ ಎಂದು ವೈದ್ಯರು ನಡೆಸುತ್ತಿರುವ ಪ್ರತಿಭಟನೆ ದಿನೇ ದಿನೇ ತೀವ್ರ ಸ್ವರೂಪ ಪಡೆದುಕೊಳ್ಳುತ್ತಿದ್ದು 5ನೇ ದಿನವೂ ಒಪಿಡಿ ಮುಚ್ಚಿದೆ.

2014 ರಿಂದೀಚೆಗೆ ಕಾನೂನು ಬಾಹಿರವಾಗಿ ನೇಮಕವಾಗಿರುವ ಅಧಿಕ ಸಂಖ್ಯೆಯ ಸಿಬ್ಬಂದಿಯನ್ನು ತೆಗೆದು ಹಾಕಬೇಕು. 200 ಹುದ್ದೆಗಳಿಗೆ 670 ಸಿಬ್ಬಂದಿಯನ್ನು ರಾಜ್ಯ ಒಕ್ಕಲಿಗರ ಸಂಘ ನೇಮಿಸಿಕೊಂಡಿದೆ ಎಂದು  ರಾಜ್ಯ ಒಕ್ಕಲಿಗರ ಸಂಘ ಸಿಬ್ಬಂದಿ ಅಸೋಸಿಯೇಷನ್ ಅಧ್ಯಕ್ಷ ವಸಂತ್ ಕುಮಾರ್ ಹೇಳಿದ್ದಾರೆ.

ಆಡಳಿತ ಮಂಡಳಿ ಖಾಯಂ ಸಿಬ್ಬಂದಿಗೆ ವೇತನ ನೀಡಲು ಪರದಾಡುತ್ತಿದೆ. ಹೆಚ್ಚಿನ ಸಿಬ್ಬಂದಿ ನೇಮಕ ಮಾಡಿರುವುದೇ ಈ ಎಲ್ಲಾ ಹಣಕಾಸು ಸಮಸ್ಯೆಗೆ ಕಾರಣ ಎಂದು ವಿನೋದ್ ಎಂಬುವರು ಆರೋಪಿಸಿದ್ದಾರೆ

ಪ್ರತಿ ಹುದ್ದೆಗೆ 5 ಲಕ್ಷ ರು ಹಣ ಪಡೆಯಲಾಗಿದೆ ಇದರಿಂದ ಸುಮಾರು 30 ಕೋಟಿ ರು ಹಣ ಸಂಗ್ರಹವಾಗಿದೆ, ಎಂದು ಆರೋಪಿಸಿದ್ದಾರೆ. 2014 ರಿಂದಿಚೇಗೆ ನೇಮಿಸಿಕೊಂಡಿರುವ ಸಿಬ್ಬಂದಿಯನ್ನು ವಜಾ ಮಾಡುವರೆಗೂ ಹೋರಾಟ ಮುಂದುವರಿಸಲಾಗುವುದು ಎಂದು ಹೇಳಿದ್ದಾರೆ,ನಮ್ಮ ಬೇಡಿಕೆ ಈಡೇರದಿದ್ದರೆ ಇನ್ನೂ ಉಗ್ರ ಸ್ವರೂಪದಲ್ಲಿ ಪ್ರತಿಭಟನೆ ಮಾಡುತ್ತೇವೆ’ ಎಂದು ಎಚ್ಚರಿಕೆ ನೀಡಿದ್ದಾರೆ.