ಬೆಂಗಳೂರು: ಕಳೆದ ಮಾರ್ಚ್ ಹಣಕಾಸು ವರ್ಷದ ಅಂತ್ಯದಲ್ಲಿ ಬೆಂಗಳೂರು ಮೆಟ್ರೊ ರೈಲು ನಿಗಮಕ್ಕೆ 538.05 ಕೋಟಿ ರೂಪಾಯಿ ನಷ್ಟವಾಗಿದೆ. ಕಳೆದ ವರ್ಷದ ಈ ಸಮಯದ ವಹಿವಾಟಿಗಿಂತ ಈ ವರ್ಷ 80.17 ಕೋಟಿ ರೂಪಾಯಿ ನಷ್ಟವಾಗಿದೆ. ಆದರೆ ಕಳೆದ 2017ರ ಜೂನ್ ನಿಂದ ಮೆಟ್ರೊ ಮೊದಲ ಹಂತ ಕಾರ್ಯಾಚರಣೆ ಆರಂಭವಾದಾಗಿನಿಂದ ಕಾರ್ಯಾಚರಣೆ ಲಾಭ ಜಾಸ್ತಿಯಾಗಿದೆ.

ಮೆಟ್ರೊ ನಿಗಮದ ಸಂಪತ್ತಿನಲ್ಲಿ ಇಳಿಕೆ ಮತ್ತು ಟೆಂಡರ್ ಗೆ ಅಧಿಕ ಮೊತ್ತ ಪಾವತಿಯಿಂದಾಗಿ ಕಂಪೆನಿಗೆ ನಷ್ಟವಾಗಿದೆ ಎಂದು ಬಿಎಂಆರ್ ಸಿಎಲ್ ನ ಅಧಿಕಾರಿಗಳು ಹೇಳುತ್ತಾರೆ.
ಮೆಟ್ರೊ ಮೊದಲ ಹಂತ ಸಂಪೂರ್ಣವಾಗಿ ಕಾರ್ಯನಿರ್ವಹಿಸುವುದರಿಂದ ವಾರ್ಷಿಕ ಬಡ್ಡಿದರದಲ್ಲಿ ಏರಿಕೆಯಾಗಿದೆ. ಅದು 110 ಕೋಟಿ ರೂಪಾಯಿಗಳಿಗೆ ಏರಿಕೆಯಾಗಿದ್ದು ಕಳೆದ ವರ್ಷ ಮಾರ್ಚ್ ತಿಂಗಳಲ್ಲಿ 44 ಕೋಟಿ ರೂಪಾಯಿಗಳಾಗಿದ್ದವು ಎನ್ನುತ್ತಾರೆ ಅಧಿಕಾರಿಗಳು. 42.3 ಕಿಲೋ ಮೀಟರ್ ಉದ್ದದ ಮೊದಲ ಹಂತದ ಕಾಮಗಾರಿಗೆ 5,600 ಕೋಟಿ ರೂಪಾಯಿ ಸಾಲ ಪಡೆಯಲಾಗಿತ್ತು ಎನ್ನುತ್ತಾರೆ.

ಮೆಟ್ರೊ ಕಾರ್ಯಾಚರಣೆ ಆದಾಯ ಉತ್ತರ-ದಕ್ಷಿಣ ಮತ್ತು ಪೂರ್ವ-ಪಶ್ಚಿಮ ಕಾರಿಡಾರ್ ಗಳಿಂದ ಹೆಚ್ಚಾಗಿದೆ. ಕಾರ್ಯಾಚರಣೆ ಆದಾಯ 2017-18ರಲ್ಲಿ 324.95 ಕೋಟಿ ರೂಪಾಯಿಗಳಿದ್ದರೆ, 2016-17ರಲ್ಲಿ 130.27 ಕೋಟಿ ರೂಪಾಯಿಗಳಿದ್ದವು. ಮೆಟ್ರೊಗೆ ಪ್ರತಿದಿನ ಸುಮಾರು 1 ಕೋಟಿ ರೂಪಾಯಿ ಆದಾಯ ಬರುತ್ತದೆ. 6 ಬೋಗಿಗಳ ರೈಲು ಆರಂಭವಾದ ಮೇಲೆ ಆದಾಯ ಇನ್ನಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ. ಕಾರ್ಯಾಚರಣೆ ದೃಷ್ಟಿಯಿಂದ ಮೆಟ್ರೊ ಕಾರ್ಯನಿರ್ವಹಣೆ ಸಾಗುತ್ತಿದೆ ಎನ್ನುತ್ತಾರೆ ಅಧಿಕಾರಿಗಳು.