ಬೆಂಗಳೂರು: ಹಳೇ ವಸ್ತುಗಳ ಮಾರಾಟ ತಾಣ ಒಎಲ್ಎಕ್ಸ್ ಜಾಲತಾಣದಲ್ಲಿ ವಂಚನೆಗೊಳಗಾಗಿ ಭುವನೇಶ್ವರಿ ನಗರದ ಎಸ್. ರವಿಕುಮಾರ್ ಹಾಗೂ ಆತನ ಸ್ನೇಹಿತ 1.1 ಲಕ್ಷ ರೂಪಾಯಿ ಕಳೆದುಕೊಂಡಿದ್ದಾರೆ.
ವಂಚಕರು 3.5 ಲಕ್ಷ ರೂಪಾಯಿಗೆ ಕಾರು ಮಾರಾಟಕ್ಕಿದೆ ಎಂದು ಜಾಹೀರಾತೊಂದನ್ನು ಓಎಲ್ ಎಕ್ಸ್ ಆನ್ ಲೈನ್ ನಲ್ಲಿ ಪೋಸ್ಟ್ ಹಾಕಿದ್ದಾರೆ. ಇದನ್ನು ನೋಡಿದ ರವಿಕುಮಾರ್ ಕಾರು ಕೊಳ್ಳಲು ಕರೆ ಮಾಡಿದ್ದಾರೆ. ಕರೆ ಸ್ವೀಕರಿಸಿದ ವ್ಯಕ್ತಿಯೊಬ್ಬರು ಮತ್ತೊಂದು ನಂಬರ್ ನೀಡಿದ್ದಾರೆ. ಆ ನಂಬರಿಕೆ ಕರೆ ಮಾಡಿದಾಗ ಪ್ರಿಯಾ ಎಂಬವರು ಕರೆ ಸ್ವೀಕರಿಸಿದ್ದು, ತನ್ನ ಬ್ಯಾಂಕ್ ಖಾತೆಗೆ ಹಣ ವರ್ಗಾವಣೆಯ ನಂತರ ತಮ್ಮನ್ನು ಭೇಟಿ ಮಾಡಬಹುದೆಂದು ಹೇಳಿದ್ದಾಳೆ.