ಮಡಿಕೇರಿ: ಹೇರ್ ಸ್ಟ್ರೈಟ್ನಿಂಗ್ ಮಾಡಿಕೊಂಡ ಬಳಿಕ ನಿರಂತರವಾಗಿ ಕೂದಲು ಉದುರುವಿಕೆಯಿಂದ ಬೇಸರಗೊಂಡ ವಿದ್ಯಾರ್ಥಿನಿಯೊಬ್ಬಳು ಆತ್ಮಹತ್ಯೆಗೆ ಶರಣಾದ ದಾರುಣ ಘಟನೆ ನಡೆದಿದೆ.
18ರ ಹರೆಯದ ನೇಹಾ ಗಂಗಮ್ಮ ಮೃತ ವಿದ್ಯಾರ್ಥಿನಿ. ಆಕೆ ಮೈಸೂರಿನಲ್ಲಿ ವಿದ್ಯಾಭ್ಯಾಸ ಮಾಡುತ್ತಿದ್ಧಳು. ಕೆಲ ದಿನಗಳ ಹಿಂದೆ ವಿವಿ ಮೊಹಲ್ಲಾದ ಬ್ಯೂಟಿ ಪಾರ್ಲರ್ ವೊಂದರಲ್ಲಿ ಹೇರ್ ಸ್ಟ್ರೈಟ್ನಿಂಗ್ ಮಾಡಿಕೊಂಡಿದ್ದಳು.
ಕೆಲ ದಿನಗಳಲ್ಲೇ ನಿರಂತರವಾಗಿ ಕೂದಲು ಉದುರಲು ಶುರವಾಗಿದೆ. ಇದರಿಂದ ಬೇಸರಗೊಂಡು ಕಾಲೇಜಿಗೂ ಹೋಗದೆ ಪಿಜಿಯಲ್ಲಿ ಉಳಿದುಕೊಂಡಿದ್ದಾಳೆ. ಕೊನೆಗೆ ದಾರಿ ಕಾಣದೆ ಕೊಡಗಿನ ಮನೆಗೆ ಆಗಮಿಸಿದ ಆಕೆ ಮನೆಗೆ ತೆರಳದೆ ಸಮೀಪದಲ್ಲಿರುವ ಬಾಳೆಲೆಯ ಲಕ್ಷ್ಮಣ ತೀರ್ಥ ನದಿಗೆ ಹಾರಿ ಸಾವಿಗೆ ಶರಣಾಗಿದ್ದಾಳೆ.