ಕೊಪ್ಪಳ: ಪ್ರತಿ ಬಾರಿ ಮತ ಚಲಾಯಿಸುವಾಗಲೂ ನನಗೆ ಸ್ವಂತ ಮನೆಯೊಂದನ್ನು ಕಟ್ಟಿಸಿಕೊಡುತ್ತಾರಾ ಅಂತಾ ಆಶಾ ಭಾವವನ್ನು ಕಟ್ಟಿಕೊಂಡೆ ಮತ ಚಲಾಯಿಸುತ್ತಿದ್ದೇನೆ. ಚುನಾವಣೆಗಳು ಬಂದವು, ಹೋದವು ನನಗಂತು ಸೂರು ಸಿಕ್ಕಿಲ್ಲ. ನನಗೆ ಮನೆ ನೀಡಲು ಭರವಸೆ ಕೊಡುವವರಿಗೆ ನಾನು ಮತ ಚಲಾಯಿಸುತ್ತೇನೆ ಎಂದು ಕೊಪ್ಪಳ ಜಿಲ್ಲೆಯ ವೃದ್ಧ ಮಹಿಳೆಯೊಬ್ಬರು ಹೇಳಿದ್ದಾರೆ.

ಕೊಪ್ಪಳದ ಪಾರ್ವತಮ್ಮ ಸುದಿ ಅವರು ತಮ್ಮ ವಿಕಲಾಂಗ ಪುತ್ರಿ ಗೀತಾ ಜೊತೆ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದಾರೆ. ಚಹಾ ಮಾರುತ್ತಿದ್ದ ಪಾರ್ವತಮ್ಮನವರ ಪತಿ ಕೆಲ ವರ್ಷಗಳ ಹಿಂದೆ ಮೃತಪಟ್ಟಿದ್ದಾರೆ.

ಪಾರ್ವತಮ್ಮನವರು ಕುಷ್ಟಗಿಯಲ್ಲಿನ ಮಾರ್ಕೆಟ್ ಜಾಗದಲ್ಲಿನ ಚಹಾ ಅಂಗಡಿಯಲ್ಲೇ ಮೊದಲಿಗೆ ವಾಸವಾಗಿದ್ದರು. ನಂತರ ಕುಷ್ಟಗಿ ಟೌನ್ ಮುನಿಸಿಪಲ್ ಕೌನ್ಸಿಲ್ ನಮ್ಮ ಅಂಗಡಿಯನ್ನು ಒಡೆದು ಹಾಕಿದರು ಪರಿಣಾಮ ನಾವು ಬೀದಿಗೆ ಬಿದ್ದೇವು. ಅಲ್ಲಿಂದ ನಾವು ಇಲ್ಲಿಯವರೆಗೂ ಸ್ವಂತ ಮನೆಗಾಗಿ ಹೋರಾಟ ಮಾಡುತ್ತಿದ್ದರು. ಯಾವ ಸರ್ಕಾರವೂ ಸಹ ನಮ್ಮ ನೆರವಿಗೆ ಬಂದಿಲ್ಲ ಎಂದು ಪಾರ್ವತಮ್ಮ ಅವರು ಹೇಳಿಕೊಂಡಿದ್ದಾರೆ.