ಬೆಂಗಳೂರು: ಬಿಎಂಟಿಸಿ ಪ್ರಯಾಣಿಕರು ಬಸ್ಸು ಕಂಡಕ್ಟರ್ ಜೊತೆಗೆ ಚಿಲ್ಲರೆ ವಿಷಯವಾಗಿ ವಾಗ್ವಾದ ನಡೆಯುವುದಕ್ಕೆ ಶೀಘ್ರದಲ್ಲಿಯೇ ಬ್ರೇಕ್ ಬೀಳಲಿದೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ ಪ್ರಯಾಣಿಕರು ಪ್ರಯಾಣದ ವೇಳೆಯಲ್ಲಿ ತಮ್ಮ ಸ್ಮಾರ್ಟ್ ಪೋನ್ ಗಳ ಮೂಲಕ ಟಿ- ಟಿಕೆಟ್ ಖರೀದಿಸಬಹುದಾಗಿದೆ.
ಸದ್ಯ ಬೆಂಗಳೂರು ನಗರದಲ್ಲಿ 6, 630 ಬಸ್ಸುಗಳು ಪ್ರತಿದಿನ 70 ಸಾವಿರ ಟ್ರಿಪ್ ಗಳಲ್ಲಿ 11.57 ಲಕ್ಷ ಕಿಲೋ ಮೀಟರ್ ದೂರ ಸಂಚರಿಸುತ್ತವೆ. ಕಳೆದ ಮೂರು ವರ್ಷಗಳಿಂದಲೂ ಏಜೆನ್ಸಿಯೊಂದು ಬಿಎಂಟಿಸಿಗೆ ಇವಿಎಂ ಪೂರೈಸುತ್ತಿದ್ದು, ಇದರಿಂದ ಟಿಕೆಟ್ ಹಾಗೂ ಪಾಸ್ ಗಳ ಮೌಲ್ಯವನ್ನು ಇದರಿಂದ ತಿಳಿಯಬಹುದಾಗಿದೆ.