ಬೆಂಗಳೂರು: ಬಯೊಕಾನ್ ಸಂಸ್ಥೆಯ ಅಧ್ಯಕ್ಷೆ ಕಿರಣ್ ಮಜುಂದಾರ್ ಶಾ ಅವರಿಗೆ ಕೊರೋನಾ ಪಾಸಿಟಿವ್ ಬಂದಿದೆ.
ನನಗೆ ಕೊರೋನಾ ಪಾಸಿಟಿವ್ ಕಂಡುಬಂದಿದ್ದು ಸಣ್ಣಮಟ್ಟಿನ ರೋಗಲಕ್ಷಣವಿದೆ ಎಂದು ಕಿರಣ್ ಮಜುಂದಾರ್ ಶಾ ಅವರೇ ಟ್ವೀಟ್ ಮೂಲಕ ತಿಳಿಸಿದ್ದಾರೆ.

ಬೆಂಗಳೂರಿನಲ್ಲಿ ಕೊರೋನಾ ಸೋಂಕಿತರ ಸಂಖ್ಯೆ ಕಡಿಮೆಯೇನು ಆಗುತ್ತಿಲ್ಲ. ಇದುವರೆಗೆ ನಗರದಲ್ಲಿ ಒಟ್ಟು 91 ಸಾವಿರದ 864 ಸೋಂಕಿತರಿದ್ದಾರೆ, ಅವರಲ್ಲಿ ನಿನ್ನೆ 6 ಸಾವಿರದ 317 ಹೊಸ ಪ್ರಕರಣಗಳು ವರದಿಯಾಗಿದ್ದು ಬೆಂಗಳೂರು ನಗರವೊಂದರಲ್ಲಿಯೇ ನಿನ್ನೆ 2 ಸಾವಿರದ 053 ಕೊರೋನಾ ಸೋಂಕಿತ ಪ್ರಕರಣ ವರದಿಯಾಗಿದೆ.

ನಿನ್ನೆಯ ಹೊತ್ತಿಗೆ ಕರ್ನಾಟಕದಲ್ಲಿ 2 ಲಕ್ಷದ 33 ಸಾವಿರದ 283 ಸೋಂಕಿತ ಪ್ರಕರಣಗಳು ವರದಿಯಾಗಿದ್ದು ಇದುವರೆಗೆ 4 ಸಾವಿರದ 062 ಮಂದಿ ನಿಧನ ಹೊಂದಿದ್ದಾರೆ. 1 ಲಕ್ಷದ 48 ಸಾವಿರದ 562 ಮಂದಿ ಗುಣಮುಖರಾಗಿದ್ದಾರೆ ಎಂದು ಆರೋಗ್ಯ ಸಚಿವಾಲಯ ಅಂಕಿಅಂಶ ತಿಳಿಸಿದೆ.