ಬೆಂಗಳೂರು: ರಾಜ್ಯದಲ್ಲಿ ಕೋವಿಡ್‌ ಸಂಖ್ಯೆಯಲ್ಲಿ ಕೊಂಚ ಇಳಿಮುಖವಾಗಿದೆಯಾದರೂ, ಆರ್ಭಟ ಮುಂದುವರಿದೇ ಇದೆ. ಕಳೆದ 24 ಗಂಟೆಗಳಲ್ಲಿ 7710 ಕೋವಿಡ್‌ ಪ್ರಕರಣಗಳು ವರದಿಯಾಗಿದ್ದು, 65 ಮಂದಿ ಮೃತಪಟ್ಟಿದ್ದಾರೆ.
ಇದರಿಂದ ಒಟ್ಟು ಪ್ರಕರಣಗಳ ಸಂಖ್ಯೆ 5.48 ಲಕ್ಷಕ್ಕೇರಿಕೆಯಾಗಿದೆ. ಈ ನಡುವೆ, ಕಳೆದ 24 ಗಂಟೆಗಳಲ್ಲಿ 6748 ಮಂದಿ ಚೇತರಿಕೆ ಕಂಡಿದ್ದು, ಇಲ್ಲಿಯವರೆಗೆ 4.44 ಲಕ್ಷ ಸೋಂಕಿತರು ಗುಣಮುಖರಾಗಿದ್ದಾರೆ. ರಾಜ್ಯದಲ್ಲಿ ಸದ್ಯ 95549 ಸಕ್ರಿಯ ಪ್ರಕರಣಗಳಿದ್ದು, ಈ ಪೈಕಿ 827 ಮಂದಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.ಇಲ್ಲಿಯವರೆಗೆ ಒಟ್ಟು 8350 ಜನರು ಮೃತಪಟ್ಟಿದ್ದಾರೆ.
ಬೆಂಗಳೂರು ನಗರದಲ್ಲಿ 4192 ಪ್ರಕರಣಗಳು ವರದಿಯಾಗಿದ್ದು, 24 ಮಂದಿ ಮೃತಪಟ್ಟಿದ್ದಾರೆ.ಇದು ಇಲ್ಲಿಯವರೆಗೆ ದಾಖಲಾಗಿರುವ ಅತಿ ಹೆಚ್ಚಿನ ಪ್ರಕರಣವಾಗಿದೆ ಎಂದು ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.
ಬಾಗಲಕೋಟೆಯಲ್ಲಿ 60, ಬಳ್ಳಾರಿಯಲ್ಲಿ 21, ಬೀದರ್‌ನಲ್ಲಿ 71, ಚಾಮರಾಜನಗರದಲ್ಲಿ 17, ಚಿಕ್ಕಬಳ್ಳಾಪುರದಲ್ಲಿ 45, ಚಿತ್ರದುರ್ಗದಲ್ಲಿ 64, ಗದಗದಲ್ಲಿ 54, ಕಲಬುರಗಿಯಲ್ಲಿ 85, ಕೊಡಗಿನಲ್ಲಿ 2, ಕೋಲಾರದಲ್ಲಿ 31, ಕೊಪ್ಪಳದಲ್ಲಿ 56, ಮಂಡ್ಯದಲ್ಲಿ 56, ರಾಯಚೂರಿನಲ್ಲಿ 52, ರಾಮನಗರದಲ್ಲಿ 12, ತುಮಕೂರಿನಲ್ಲಿ 99, ಉಡುಪಿಯಲ್ಲಿ 74, ವಿಜಯಪುರದಲ್ಲಿ 79, ಯಾದಗಿರಿಯಲ್ಲಿ 42 ಪ್ರಕರಣಗಳು ವರದಿಯಾಗಿವೆ.
ಬೆಳಗಾವಿಯಲ್ಲಿ 191, ಬೆಂಗಳೂರು ಗ್ರಾಮಾಂತರದಲ್ಲಿ 189, ಚಿಕ್ಕಮಗಳೂರಿನಲ್ಲಿ 186, ದಕ್ಷಿಣ ಕನ್ನಡದಲ್ಲಿ 266, ದಾವಣಗೆರೆಯಲ್ಲಿ 131, ಧಾರವಾಡದಲ್ಲಿ 264, ಹಾಸನದಲ್ಲಿ 407, ಹಾವೇರಿಯಲ್ಲಿ 110, ಮೈಸೂರಿನಲ್ಲಿ 481, ಶಿವಮೊಗ್ಗದಲ್ಲಿ 234, ಶಿವಮೊಗ್ಗದಲ್ಲಿ 234, ಉತ್ತರಕನ್ನಡದಲ್ಲಿ 109 ಪ್ರಕರಣಗಳು ವರದಿಯಾಗಿವೆ ಎಂದು ಆರೋಗ್ಯ ಇಲಾಖೆ ತಿಳಿಸಿದೆ.