ಬೆಂಗಳೂರು: ಅಕ್ರಮವಾಗಿ ರೆಮ್ ಡಿಸಿವಿರ್ ಔಷಧಿ ಮಾರಾಟ ನಡೆಸಿದ್ದ ಮೂವರನ್ನು ಬೆಂಗಳೂರು ಪೋಲೀಸರು ಬಂಧಿಸಿದ್ದಾರೆ.

ಬಸವೇಶ್ವರ ನಗರ ಠಾಣೆ ವ್ಯಾಪ್ತಿಯಲ್ಲಿ ಘಟನೆ ವರದಿಯಾಗಿದ್ದು ಸಂಜೀವ್ ಕುಮಾರ್, ಪ್ರತೀಕ್ ಹಾಗೂ ಅಭಿಜಿತ್ ಬಂಧಿತರೆಂದು ಹೇಳಲಾಗಿದೆ.

ಪೋಲೀಸರು ಈ ಕಾಳಸಂತೆ ವ್ಯಾಪಾರಿಗಳೊಂದಿಗೆ ರಹಸ್ಯ ಕಾರ್ಯಾಚರಣೆ ನಡೆಸಿ ರೆಮ್ ಡಿಸಿವಿರ್ ಔಷಧಿಗಾಗಿ ಬೇಡಿಕೆ ಇಡುತ್ತಿದ್ದತೆ  ಅವರು ಪ್ರತಿ ವಯಲ್ ಔಷಧಿಯನ್ನು ಹತ್ತು ಸಾವಿರ ರೂ,ಗೆ ಮಾರಾಟ ಮಾಡುತ್ತಿದ್ದದ್ದು ತಿಳಿದಿದೆ.

ಆರೋಪಿಗಳು ಕೇರಳದಿಂದ ರೆಮ್ ಡಿಸಿವಿರ್ ತಂದು ಬೆಂಗಳೂರಿನಲ್ಲಿ ಮಾರಾಟ ನಡೆಸುತ್ತಿದ್ದರೆಂದು ಪತ್ತೆಯಾಗಿದ್ದು ಆರೋಪಿಗಳಿಂದ 25  ವಯಲ್ ರೆಮ್ ಡಿಸಿವಿರ್ ಔಷಧಿ ವಶಕ್ಕೆ ಪಡೆಯಲಾಗಿದೆ.