ಬೆಂಗಳೂರು: ಜಾತ್ಯತೀತ ಜನತಾದಳ(JD(S) ಮುಖ್ಯ ಚುನಾವಣಾಧಿಕಾರಿಗಳಿಗೆ ದೂರು ನೀಡಿದೆ. ಟ್ವಿಟ್ಟರ್ ಬಳಕೆದಾರರೊಬ್ಬರು ಜೆಡಿಎಸ್ ನಾಯಕರಾದ ಹೆಚ್ ಡಿ ದೇವೇಗೌಡ ಮತ್ತು ಹೆಚ್ ಡಿ ಕುಮಾರಸ್ವಾಮಿ ವಿರುದ್ಧ ಮಾಡಿರುವ ಟ್ವೀಟ್ ಗೆ ಸಂಬಂಧಿಸಿದಂತೆ ದೂರು ನೀಡಿದ್ದು ಟ್ವಿಟ್ಟರ್ ಬಳಕೆದಾರರ ಖಾತೆಯನ್ನು ತಡೆಹಿಡಿಯುವಂತೆ ಕೋರಿದೆ.

ಸೋಷಿಯಲ್ ಮೀಡಿಯಾದಲ್ಲಿ ಜೆಡಿಎಸ್ ಮತ್ತು ಅದರ ನಾಯಕರ ಬಗ್ಗೆ ತಪ್ಪು ಸುಳ್ಳು ಮಾಹಿತಿಯನ್ನು ಅಂಜನ್ ಎಂಬುವವರು ನೀಡುತ್ತಿದ್ದಾರೆ. ಅವರ ಅಕೌಂಟ್ ನ್ನು ತಡೆಹಿಡಿಯಬೇಕೆಂದು ಕೋರಿದೆ.

@Anjan94150697 ಎಂಬ ಖಾತೆದಾರರು ಇತ್ತೀಚೆಗೆ ಟ್ವೀಟ್ ಮಾಡಿ ಹೆಚ್ ಡಿ ಕುಮಾರಸ್ವಾಮಿಯವರು ಸಚಿವ ಆರ್ ಅಶೋಕ್ ಅವರನ್ನು ಶಾಸಕ ಸಾ ರಾ ಮಹೇಶ್ ಜೊತೆಗೆ ಭೇಟಿ ಮಾಡಿದ್ದಾರೆ. ಗುಪ್ತವಾಗಿ ಗುಜರಾತ್ ನ ಉದ್ಯಮಿಯ ಮೂಲಕ ಪಕ್ಷಕ್ಕೆ ಧನಸಹಾಯ ಪಡೆದು ಕಾಂಗ್ರೆಸ್ ವಿರುದ್ಧ ಹೋರಾಡಲು ನೋಡುತ್ತಿದ್ದಾರೆ ಎಂದು ಟ್ವೀಟ್ ಮಾಡಿದ್ದರು.