ಚಿತ್ರದುರ್ಗ: ಚಿತ್ರದುರ್ಗ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಧಿಕೃತ ಅಭ್ಯರ್ಥಿ ಗೋವಿಂದ್ ಕಾರಜೋಳ ವಿರುದ್ಧ ಹೊಳಲ್ಕೆರೆ ಶಾಸಕ ಎಂ.ಚಂದ್ರಪ್ಪ ಮತ್ತು ಬಂಡಾಯ ಬಿಜೆಪಿ ಸದಸ್ಯರು ಗೋ ಬ್ಯಾಕ್ ಕಾರಜೋಳ ಹೇಳಿಕೆ ಮುಂದುವರಿಸಿದರೆ ಘೋರ ಪರಿಣಾಮ ಎದುರಿಸಬೇಕಾಗುತ್ತದೆ ಎಂದು ಎಂಎಲ್ ಸಿ ಕೆಎಸ್ ನವೀನ್ ಎಚ್ಚರಿಕೆ ನೀಡಿದ್ದಾರೆ.
ಏಪ್ರಿಲ್ 4 ರಂದು ಕಾರಜೋಳ ನಾಮಪತ್ರ ಸಲ್ಲಿಸಲಿದ್ದು, ಏಪ್ರಿಲ್ 12 ರಂದು ಹೊಳಲ್ಕೆರೆಯಲ್ಲಿ ಮೆಗಾ ಪ್ರಚಾರ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ಇದರಲ್ಲಿ 50,000 ಕ್ಕೂ ಹೆಚ್ಚು ಜನರು ಭಾಗವಹಿಸಲಿದ್ದಾರೆ ಎಂದು ನವೀನ್ ಹೇಳಿದರು.
ಚಂದ್ರಪ್ಪ ಅವರು ತಮ್ಮ ಪುತ್ರ ರಘು ಚಂದನ್‌ಗೆ ಟಿಕೆಟ್ ಬಯಸಿದ್ದರು, ಆದರೆ ಮಾಜಿ ಮುಖ್ಯಮಂತ್ರಿ ಬಿಎಸ್ ಯಡಿಯೂರಪ್ಪ ಅವರಿಂದ ತಮ್ಮ ಪುತ್ರನಿಗೆ ಟಿಕೆಟ್ ಕೈ ತಪ್ಪಿತು ಎಂದು ಚಂದ್ರಪ್ಪ ಆರೋಪಿಸಿದ್ದರು. ಪಕ್ಷದ ಸೋಶಿಯಲ್ ಇಂಜಿನಿಯರಿಂಗ್ ಯೋಜನೆಯಂತೆ ಮಾದಿಗ ಸಮುದಾಯದ ಕಾರಜೋಳ ಅವರಿಗೆ ಟಿಕೆಟ್ ನೀಡಲಾಗಿದೆ ಎಂದು ಸಮರ್ಥಿಸಿಕೊಂಡರು. ಏಪ್ರಿಲ್ 12 ರಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಚಿತ್ರದುರ್ಗಕ್ಕೆ ಬರುತ್ತಿದ್ದು, ನಂತರ ಈ ಬಗ್ಗೆ ಚರ್ಚೆ ನಡೆಯಲಿದೆ.