ಮಂಗಳೂರು: ಕಾಸರಗೋಡಿನ ಐಸಿಎಆರ್-ಸೆಂಟ್ರಲ್ ಪ್ಲಾಂಟೇಶನ್ ಕ್ರಾಪ್ಸ್ ರಿಸರ್ಚ್ ಇನ್‌ಸ್ಟಿಟ್ಯೂಟ್ (ಸಿಪಿಸಿಆರ್‌ಐ) ಅಭಿವೃದ್ಧಿಪಡಿಸಿದ 4 ಬಗೆಯ ತೆಂಗು ಮತ್ತು ಕೋಕೋವನ್ನು ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಆಗಸ್ಟ್ 11 ರಂದು ಅನಾವರಣಗೊಳಿಸಲಿದ್ದಾರೆ.
ಕಾಸರಗೋಡಿನ ಐಸಿಎಆರ್-ಸೆಂಟ್ರಲ್ ಪ್ಲಾಂಟೇಶನ್ ಕ್ರಾಪ್ಸ್ ರಿಸರ್ಚ್ ಇನ್‌ಸ್ಟಿಟ್ಯೂಟ್ (ಸಿಪಿಸಿಆರ್‌ಐ) ನಿರ್ದೇಶಕ ಡಾ ಕೆ ಬಾಲಚಂದ್ರ ಹೆಬ್ಬಾರ್ ಅವರು ಮಾತನಾಡಿ, ಪ್ರಧಾನಿ ಮೋದಿಯವರು ಐಸಿಎಆರ್-ಸಿಪಿಸಿಆರ್‌ಐ ಅಭಿವೃದ್ಧಿಪಡಿಸಿದ 109 ಬೆಳೆ ತಳಿಗಳನ್ನು ಭಾನುವಾರ ನವದೆಹಲಿಯ ಎನ್‌ಎಎಸ್‌ಸಿ ಕಾಂಪ್ಲೆಕ್ಸ್‌ನಲ್ಲಿರುವ ಭಾರತ ರತ್ನ ಸಿ ಸುಬ್ರಮಣ್ಯಂ ಆಡಿಟೋರಿಯಂನಲ್ಲಿ ಬಿಡುಗಡೆ ಮಾಡಲಿದ್ದಾರೆ ಎಂದು ಹೇಳಿದರು.
'ಕಲ್ಪ ಸುವರ್ಣ' ಮತ್ತು 'ಕಲ್ಪ ಶತಾಬ್ದಿ' ಎಂಬ ಎರಡು ಹೊಸ ಪ್ರಭೇದದ ತೆಂಗಿನಕಾಯಿ ಮತ್ತು ಎರಡು ರೀತಿಯ ಕೋಕೋಗಳು - 'VTL CH1' ಮತ್ತು 'VTL CH2' ಅನ್ನು ICAR - ಕೇಂದ್ರೀಯ ತೋಟದ ಬೆಳೆಗಳ ಸಂಶೋಧನಾ ಸಂಸ್ಥೆ (CPCRI) ಕಾಸರಗೋಡು ಅಭಿವೃದ್ಧಿಪಡಿಸಿದೆ.
ನಮ್ಮ ನಾಲ್ಕು ಹೊಸ ಬೆಳೆ ತಳಿಗಳನ್ನು ಪ್ರಧಾನಮಂತ್ರಿಯವರೇ ಬಿಡುಗಡೆ ಮಾಡುವುದರಿಂದ ಸಿಪಿಸಿಆರ್‌ಐಗೆ ಇದು ಉತ್ತಮ ಅವಕಾಶವಾಗಿದೆ. ಎರಡೂ ತೆಂಗಿನ ತಳಿಗಳು ಹವಾಮಾನ-ಸ್ಥಿತಿಸ್ಥಾಪಕ ಮತ್ತು ಕರಾವಳಿ ತೀರಗಳಲ್ಲಿ ಬೆಳೆಯಬಹುದಾಗಿದೆ. ಹೊಸ ತಳಿಗಳ ಬೆಳೆಗಳಲ್ಲಿ ಕಬ್ಬಿಣಾಂಶ ಮತ್ತು ಸತು ಹೆಚ್ಚಾಗಿರುತ್ತದೆ. ಗುಣಮಟ್ಟ ಕೂಡ ಉತ್ತಮವಾಗಿವೆ. ಇಲ್ಲಿಯವರೆಗೆ 21 ತೆಂಗಿನ ತಳಿಗಳನ್ನು ಬಿಡುಗಡೆ ಮಾಡಿದ್ದೇವೆ ಎಂದು ತಿಳಿಸಿದರು.
‘ಕಲ್ಪ ಸುವರ್ಣ’ ಎಂಬುದು ಕುಬ್ಜ, ಹೆಚ್ಚು ಇಳುವರಿ ನೀಡುವ ತೆಂಗಿನಕಾಯಿಯಾಗಿದ್ದು, ಹಸಿರು ಬಣ್ಣದ, ಉದ್ದವಾದ ಸಿಹಿಯಾದ ತೆಂಗಿನಕಾಯಿ ನೀರು ಮತ್ತು ಉತ್ತಮ ಗುಣಮಟ್ಟದ ಕೊಬ್ಬರಿ ಇರುತ್ತದೆ. ಇದು ಆರಂಭಿಕ ಹಂತದಲ್ಲಿ ಹೂಬಿಡುತ್ತದೆ. (ನೆಟ್ಟ ನಂತರ 30-36 ತಿಂಗಳುಗಳ ಬಳಿಕ). ಒಂದು ಮರ ವರ್ಷಕ್ಕೆ 108-130 ಕಾಯಿಗಳನ್ನು ನೀರುತ್ತದೆ. ಈ ಬೆಳೆಯನ್ನು ಕೇರಳ ಮತ್ತು ಕರ್ನಾಟಕದಲ್ಲಿ ಉತ್ತಮ ರೀತಿಯಲ್ಲಿ ಬೆಳೆಯಬಹುದು ಎಂದು ಮಾಹಿತಿ ನೀಡಿದ್ದಾರೆ.
‘ಕಲ್ಪ ಶತಾಬ್ದಿ’ ಒಂದು ಎತ್ತರದ ಮರವಾಗಿದ್ದು. ಈ ಮರ ತೆಂಗಿನಕಾಯಿ ದೊಡ್ಡ ಗಾತ್ರದಲ್ಲಿರುತ್ತದೆ, ಇದರಲ್ಲಿ ತೆಂಗಿನ ನೀರು ಹೆಚ್ಚಾಗಿರುತ್ತದೆ. ಕೊಬ್ಬರಿ ಕೂಡ ಹೆಚ್ಚಾಗಿರುತ್ತದೆ. ಇವುಗಳು ವರ್ಷಕ್ಕೆ 105-148 ಇಳುವರಿಯನ್ನು ನೀಡುತ್ತದೆ.
VTL CH1 ಹೈಬ್ರಿಡ್ ಆಗಿದ್ದು, ಅಡಿಕೆ ಮತ್ತು ತೆಂಗಿನಕಾಯಿ ಕೀತಿಯಲ್ಲೇ ಬೆಳೆಯುತ್ತದೆ. ಇದು ವರ್ಷಕ್ಕೆ 1.5 - 2.5 ಇಳುವರಿ ನೀಡುತ್ತದೆ. ಇದರ ಬೀಜಗಳು 1-1.10 ಗ್ರಾಂ ತೂಕವನ್ನು ಹೊಂದಿದ್ದು, ಅಂತರರಾಷ್ಟ್ರೀಯ ಗುಣಮಟ್ಟವನ್ನು ಹೊಂದಿರುತ್ತದೆ.
'VTL CH2' ರೋಗ ನಿರೋಧಕತೆಯೊಂದಿಗೆ ಹೆಚ್ಚು ಇಳುವರಿ ನೀಡುವ ಕೋಕೋ ಹೈಬ್ರಿಡ್ ಆಗಿದೆ, ಈ ಮರ ವರ್ಷಕ್ಕೆ 1.5-2.5 ಕೆಜಿ ಇಳುವರಿ ನೀಡುತ್ತದೆ. ಈ ಮರದ ಬೀಜಗಳು 1-1.2 ಗ್ರಾಂ ತೂಕ ಹೊಂದಿದ್ದು, ಅಂತರರಾಷ್ಟ್ರೀಯ ಗುಣಮಟ್ಟವನ್ನು ಹೊಂದಿದೆ. ಇದರಲ್ಲಿ ಕಬ್ಬಿಣ ಮತ್ತು ಸತು ಅಂಶಳ ಸಮೃದ್ಧವಾಗಿದೆ ಎಂದು ಮಾಹಿತಿ ನೀಡಿದ್ದಾರೆ.