ಬೆಂಗಳೂರು: ಅಪಘಾತದಲ್ಲಿ ತಮ್ಮ ಎರಡೂ ಕೈಗಳನ್ನು ಕಳೆದುಕೊಂಡ ಮಂಗಳೂರಿನ ನಿವೃತ್ತ ಮುಖ್ಯೋಪಾಧ್ಯಾಯರೊಬ್ಬರು ಪ್ರಥಮ ಬಾರಿಗೆ ಪಾಸ್‌ಪೋರ್ಟ್ ಪಡೆಯುತ್ತಿದ್ದಾರೆ.
ರಾಜ್ಯದ ಪ್ರಾದೇಶಿಕ ಪಾಸ್‌ಪೋರ್ಟ್ ಕಚೇರಿಯಿಂದ ದೃಢೀಕರಣ ಉದ್ದೇಶಕ್ಕಾಗಿ ಕಡ್ಡಾಯ ಬೆರಳಚ್ಚು ಬಯೋಮೆಟ್ರಿಕ್ ಮನ್ನಾ ಮಾಡಲಾಗಿದೆ. ಕೆ ಸುಂದರ ಮತ್ತು ಅವರ ಪತ್ನಿ ಹೆಚ್ ಕೆ ದೇವಕಿ ಅವರು ಫಿನ್‌ಲ್ಯಾಂಡ್‌ನಲ್ಲಿ ಉದ್ಯೋಗದಲ್ಲಿರುವ ತಮ್ಮ ಮಗನೊಂದಿಗೆ ವಾಸಿಸಲು ಶೀಘ್ರದಲ್ಲೇ ಫಿನ್ ಲ್ಯಾಂಡ್ ಗೆ ಪ್ರಯಾಣ ಬೆಳೆಸಲಿದ್ದಾರೆ.
ಬೆಂಗಳೂರಿನ ಪ್ರಾದೇಶಿಕ ಪಾಸ್‌ಪೋರ್ಟ್ ಅಧಿಕಾರಿ, ಕೆ ಕೃಷ್ಣ ಅವರು ವಿದೇಶಾಂಗ ವ್ಯವಹಾರಗಳ ಸಚಿವಾಲಯಕ್ಕೆ ಪತ್ರ ಬರೆದಿದ್ದು, ಸುಂದರ ಅವರ ಪ್ರಸ್ತುತ ಸ್ಥಿತಿಯನ್ನು ಉಲ್ಲೇಖಿಸಿ ಮತ್ತು ಬಯೋಮೆಟ್ರಿಕ್‌ಗಳನ್ನು ಮನ್ನಾ ಮಾಡುವಂತೆ ಕೋರಿದ್ದಾರೆ. ಈ ಪರಿಸ್ಥಿತಿಯಲ್ಲಿ ನಾನು ಅರ್ಜಿದಾರರನ್ನು ನೋಡುತ್ತಿರುವುದು ಇದೇ ಮೊದಲು. ಅಪ್ಲಿಕೇಶನ್‌ನಲ್ಲಿನ ಫೋಟೋದ ಕೆಳಗೆ ಅಗತ್ಯವಿರುವ ಸಹಿಯ ಬದಲಿಗೆ ಇಂಕ್ ಪ್ಯಾಡ್‌ನಲ್ಲಿ ಅವರ ಕಾಲ್ಬೆರಳ ಗುರುತನ್ನು ಬಳಸಲು ಸಚಿವಾಲಯವು ನಮಗೆ ಅನುಮತಿ ನೀಡಿದೆ ಎಂದು ಕೃಷ್ಣ ದಿ ನ್ಯೂ ಇಂಡಿಯೆನ್ ಎಕ್ಸ್ ಪ್ರೆಸ್ ಗೆ ತಿಳಿಸಿದರು.
ಫೆಬ್ರವರಿ ಕೊನೆಯ ವಾರದಲ್ಲಿ ಮೈಸೂರು ಅಂಚೆ ಕಚೇರಿ ಪಾಸ್‌ಪೋರ್ಟ್ ಸೇವಾ ಕೇಂದ್ರದಲ್ಲಿ ಪಾಸ್‌ಪೋರ್ಟ್‌ಗಾಗಿ ಮರು ಅರ್ಜಿ ಸಲ್ಲಿಸಿದ ನಂತರ ಸುಂದರ ಅವರಿಗೆ ಆದ್ಯತೆ ನೀಡಲಾಯಿತು. ಅದನ್ನು ಈಗಾಗಲೇ ಅವರ ನಿವಾಸಕ್ಕೆ ಕಳುಹಿಸಲಾಗಿದೆ ಎಂದು ಅವರು ಹೇಳಿದರು.
ದಕ್ಷಿಣ ಕನ್ನಡದ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಮುಖ್ಯೋಪಾಧ್ಯಾಯರಾಗಿ ನಿವೃತ್ತರಾಗಿರುವ ಸುಂದರ ಅವರು ಮೈಸೂರಿನಲ್ಲಿ ಮನೆ ಖರೀದಿಸಿ ಅಲ್ಲಿ ವಾಸವಾಗಿದ್ದಾರೆ. ಅವರು ಈಗ ಕೃತಕ ಕೈಗಳನ್ನು ಬಳಸುತ್ತಾರೆ. ಮೈಸೂರಿನಿಂದ ಬೆಂಗಳೂರು ಮತ್ತು ದೆಹಲಿಯವರೆಗೆ ಎಲ್ಲರೂ ನನಗೆ ಸಹಾಯ ಮಾಡಲು ಹೊರಟಿರುವ ಬಗ್ಗೆ ನನಗೆ ನಿಜವಾಗಿಯೂ ಸಂತೋಷವಾಗಿದೆ. ನನ್ನ ಹೆಂಡತಿ ಮತ್ತು ನಾನು ಇಬ್ಬರೂ ಜನವರಿ 30 ರಂದು ಆರಂಭದಲ್ಲಿ ಅರ್ಜಿ ಸಲ್ಲಿಸಿದ್ದೆವು. ಅವಳು ಸ್ವಲ್ಪ ಸಮಯದ ನಂತರ ಅವಳ ಪಾಸ್‌ಪೋರ್ಟ್ ಪಡೆದಳು ಆದರೆ ನನ್ನ ವಿಚಿತ್ರ ಸನ್ನಿವೇಶಗಳಿಂದಾಗಿ ನನಗೆ ಪಾಸ್ ಪೋರ್ಟ್ ಪಡೆಯಲು ಸಾಧ್ಯವಾಗಲಿಲ್ಲ.
ಫಿನ್‌ಲ್ಯಾಂಡ್‌ನ ನೋಕಿಯಾ ಸೀಮೆನ್ಸ್‌ನಲ್ಲಿ ಹಿರಿಯ ಸಾಫ್ಟ್‌ವೇರ್ ಇಂಜಿನಿಯರ್ ಆಗಿ ಉದ್ಯೋಗದಲ್ಲಿರುವ ನಮ್ಮ ಮಗ ಶಿವರಾಜ್ ಅವರನ್ನು ಭೇಟಿ ಮಾಡಲು ನಾವು ಯೋಜಿಸಿದ್ದೇವೆ. ನನ್ನ ವಿಲಕ್ಷಣ ಸಂದರ್ಭಗಳಿಂದಾಗಿ ವಿಶೇಷ ಒಪ್ಪಿಗೆಯನ್ನು ಪಡೆಯಬೇಕಾಗಿರುವುದರಿಂದ ಸ್ವಲ್ಪ ಕಾಯಲು ನನಗೆ ತಿಳಿಸಲಾಯಿತು. ಎಂಟು ವರ್ಷಗಳ ಹಿಂದೆ ನನ್ನ ಕೈಗಳನ್ನು ಕಳೆದುಕೊಂಡ ನಂತರ ಪಾಸ್‌ಪೋರ್ಟ್ ಪಡೆಯಲು ಸಾಧ್ಯವಿಲ್ಲ ಎಂದು ನಾನು ಭಾವಿಸಿದೆ ಎಂದು ಸುಂದರ ತಿಳಿಸಿದ್ದಾರೆ.
ಸುಂದರ ಅವರು ತಮ್ಮ ಪುತ್ರಿ ಕೆ ಎಸ್ ಶಿಲ್ಪಾ ಅವರ ನಿಶ್ಚಿತಾರ್ಥ ಸಮಾರಂಭದ ಮುನ್ನಾ ದಿನ ಸ್ಟೀಲ್ ರಾಡ್ ಬಳಸಿ ತೆಂಗಿನಕಾಯಿ ಕೀಳುತ್ತಿದ್ದ ವೇಳೆ ಕೈ ಕಳೆದುಕೊಂಡಿದ್ದರು. ಮೇಲಿದ್ದ ವಿದ್ಯುತ್ ತಂತಿಗೆ ತಗುಲಿ ಎರಡೂ ಕೈಗಳಿಗೆ ತೀವ್ರ ಸುಟ್ಟ ಗಾಯಗಳಾಗಿತ್ತು.
ನನ್ನ ತಂದೆಗೆ ಪಾಸ್‌ಪೋರ್ಟ್ ಬೇಕು ಎಂದು ಹಿಂದೆಂದೂ ಅನಿಸಿರಲಿಲ್ಲ ಮತ್ತು ಅರ್ಜಿ ಸಲ್ಲಿಸಿರಲಿಲ್ಲ ಪಾಸ್ ಪೋರ್ಟ್ ಪಡೆಯಲು ಪ್ರಯತ್ನಿಸುತ್ತಿರುವುದು ಇದು ಮೊದಲು. ನಮಗೆ ಸಹಾಯ ಮಾಡಲು ಹೊರಟಿದ್ದಕ್ಕಾಗಿ ಎಲ್ಲಾ ಅಂಚೆ ಮತ್ತು ಪಾಸ್‌ಪೋರ್ಟ್ ಸಿಬ್ಬಂದಿಗೆ ನಾವು ತುಂಬಾ ಕೃತಜ್ಞರಾಗಿರುತ್ತೇವೆ ಎಂದು ಸುಂದರ ಅವರ ಪುತ್ರಿ ಶಿಲ್ಪಾ ತಿಳಿಸಿದ್ದಾರೆ.